| 
Justin Hughes, Jeandry Mathilda y Jean Pierre Helmeyer campeon di Ranking di Mei PDF Print E-mail
Wednesday, 28 May 2014
ranking_mei_2.jpg E ranking di Aruba Table Tennis Association di luna di mei a tuma lugar Diamars 27 di mei 2014 na Centro Deportivo Betico Croes. 

Atardi a tuma lugar e tres categorianan di hubenil cual ta bou 10 aña, bou 14 aña y bao 18 aña.

  Den e categoria bao 10 aña, Justin Hughes ta titular campeon pa prome biaha ganando tur su weganan sin perde ni un set.  Un atleta sigur pa tene na bista pa futuro.  E segundo lugar ta keda den persona di Shawn Kock kende a perde un wega so sigui pa Jeramy Ras cu ta keda na di tres lugar.

  Categoria bao 14 aña tabata tin un competencia masha fuerte mes.  Jeandry Mathilda a keda na prome lugar ganando tur su weganan y a laga dos set so bay den henter e Ranking.  Jeandry a gana Sjoerd Geurtsen 3-1 kende a keda na di tres lugar cu apenas 11 aña.  Na di tres lugar a keda den persona di Jonathan Paredes kende sigur a duna un bon bataya, kitando set di Jeandry y Sjoerd.

  Jean Pierre Helmeyer ta e atleta cu a gana tur su weganan den e categoria bao 18 aña.  Den un final fuerte contra Donald Yarzagaray Jean Pierre mester a bringa duro pa logra gana 3-2.  Donald pues a keda na di dos lugar sigui pa Michel Kelly.

ATTA kier felicita tur su participantenan y tambe e ganadornan di e Ranking di Mei.  Diamars 3 di Juni ATTA lo continua cu su Copa Aruba Teams A-klas y B-klas.

ranking_mei_1.jpgranking_mei_3.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event