| 
Magic Bloki Thiel Angels a titula campeon invicto PDF Print E-mail
Wednesday, 28 May 2014
magic_angels_3.jpg Diadomingo ultimo equipo di femenino di softbal comercial Magic Bloki Thiel Angels, despues di a bataya fuerte contra e equipo Sweet Devils Coca-Cola a logra titula campeon invicto den e torneo "The Best of All 2014" cual a keda organisa na veld di Madushi Stars.

Un wega cu a cuminsa for di 2or di atardi y a caba despues di casi 3 ora di wega, caminda tur dos equipo a bataya cu alma y cuerpo, dunando mas cu nan por, a termina den cu un score preta di 7-6.  Un wega cu normalmente ta bai te cu 7 inning a termina te den di 9 inning caminda cu un hit Magic Bloki Thiel a logra laga Sweet Devils den tereno.  No por saca afor cu e pitcher di Sweet Devils, cariñosamente yama door di tur Chichi, a domina e team di Angels te den e di 7 inning.

  Despues a termina e dia cu entregamento di premio caminda Magic Bloki Thiel Angels a bai tambe cu e premio di MVP cual a bai pa Maria Garcia kende tabata e pitcher ganado den e ultimo dos partido nan di e torneo cu un dominio total riba e otro equiponan.  E premio di Champion Batter tambe a bai pa Angels kende tabata Melitsza Peña kende sigur no ta un desconoci den e deporte di softball.

  Awor cu e torneo ta tras di lomba, caminda Angels a sali cu bon pia y hiba e premio maximo cas, e focus ta completamente riba e preparacion pa e viahe cu tin den October caminda Angels lo bai representa Aruba durante un torneo internacional cual ta wordo organisa na nos hermana isla.  Mas detaye di e torneo aki lo wordo duna despues.

  E equipo completo kier a gradici nan sponsornan, nan fiel fanaticonan y tambe mas cu claro cada un hungadora cu a pone un granito pa a logra e titulo aki.  Nan coach y manager cu a sa di guia e damas nan aki te na e ultimo careda, pa nan a keda confia den mes!

magic_angels.jpgmagic_angels_1.jpgmagic_angels_2.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event