| 
Pizza Hut Monster a derota campeon 2013 Mariner den openings game PDF Print E-mail
Thursday, 05 June 2014
mariners_scuchando_palabranan_di_presidente_promer_nan_ricibi_nan_trofeo_2.jpg Diabierna siman pasa tabata tin un fabuloso apertura di Campeonato Heineken masculino tanto di A-Klas y AA dedica na baluartenan Andresito Krozendijk y Bertrando Bal Delaney riba e veldnan nobo na Pos Chiquito. Despues di un bunita apertura a bay over na tira lot pa asina determina cual ta e dos equiponan cu lo mira acion.  Lot a cay pa categoria AA y e campeon 2013 Mariner mester enfrenta nan rivalnan di banda di cas Pizza Hut Monster kendenan a caba di promove pa AA.  Na inicio e wega tabata mustra cu Mariner lo domina e muchanan di Pizza Hut Monster cu tur trankilidad y tabata tin e score amplio ganando 7-2 den 3 inning.  Despues pitcher Fenchi Leon a wordo alcansa pa un bala cual a pone cu e mester a bandona e wega y Pizza Hut probechando di esaki a logra bolter e score pa finalmente bay cas cu nan promer victoria den AA. Pizza Hut Monster 20 careda, 15 hit, 4 error.  Mariner 10 careda, 8 hit, 4 error.
Demasiado error pa banda y e veld a mustra poko grandi di mas unda balanan entre dos ta wordo cori te home.  ASB a papia cu FFD pa wak si por sera cu otro tipo di fence e distancia pa weganan den futuro.  Pitcher ganador Arjen Mathilda kende por cierto a retira di Mariner y a integra den Pizza Hut Monster y a propina su ex- team un derota. 
Fenchi Leon a bay cas cu e derota y a wordo releva pa Jair Thompson kende a mustra un excelente velocidad pero falta di control.  Poko training Jair por mira mas accion e aña aki.  
Pa Pizza Hut a destaca na bate Joshua Wever y Rodney Kelly ambos di 4-3, Carl Yarzagaray di 1-1.  Pa Mariner a destaca na bate den causa perdi Gerwin Thiel 2-2 y Jair Thompson di 3-2. Cuminsamento di otro simnan e schedule lo ta cla.  Fanaticada di softball fastpitch keda pendiente y yega tereno pa apoya bo equipo preferi.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event