| 
Hakeem Lowe a train na Hulanda cerca di ex campeon Mundial Henk Meijer PDF Print E-mail
Tuesday, 22 July 2014
hakeem_lowe_cu_plyometric_drills_serca_ex-campeundial_henk_meijer__juli_15_2014_00149.jpg Hakeem Lowe e atleta estreya di e team di "Train Hard Fight Smart" di Brazil Taekwondo Stichting a biaha pa Hulanda dia 13 di Juli 

y mane cu e la yega Hulanda dialuna dia 14 di Juli e la cuminsa cu su prome training cerca e ex campeon Mundial Henk Meijer.

Henk Meijer tabata wardando ariba su yegada pa asina por a cuminsa cu e prome training di 5'or di atardi. Henk Meijer a traha un plan di training pa e team di Aruba y a presenta esaki pa asina por a train Hakeem Lowe tur den uno. Henk Meijer a cuminsa cu e warming up prome y despues di biaha a bay over cu tecnicanan. Durante di e training Henk Meijer tabata analisa Hakeem Lowe su puntonan zwak y asina e la pone hopi mas atencion ariba esakinan. Hakeem Lowe no tabata sa kiko tur Henk Meijer tabata tin ariba su schema di training pe. Henk Meijer a concentra hopi ariba Plyometric Drills. Henk Meijer a haci uso di Hakeem Lowe su mesun forsa pa forsa di su pianan y brasanan. Mirando cu Hakeem Lowe ta den cresemento y no sa haci uso di niun clase di peso cu por afecta su cresemento. Henk Meijer a keda menciona cu lo ta bon pa Hakeem Lowe bringa na Europa pa asina e haya atletanan di un nivel mas halto cu nos tin den nos region. Europa tin hopi aña caba ta organisa e campeonato Europues di Cadet y esaki nunca a tuma luga den nos region.                 

Henk Meijer a papia cu Hakeem Lowe tocante di su concentracion ya cu e la ripara cu Hakeem Lowe tin biaha ta perde esaki. Henk Meijer a guia Hakeem Lowe con e mester haci durante un pelea y con pa desvia esaki ora cu e ta cansa. 

Henk Meijer tambe ta wak e desaroyo di Hakeem Lowe y ta premira medaya pa Hakeem Lowe si e sigui ariba e caminda aki. Henk Meijer a bisa tambe cu nos no por para keto, mester sigui bringa na e Open nan y a keda ariba e tema di Europa. Henk Meijer a menciona cu e aña aki tabata tin e Open di Austria na unda cu tabata tin 800 atleta di cadet so cu a participa. Den nos region e total di campeonato no ta ni yega 600 den total di cadet, junior y senior. Aki por mira cu Taekwondo ta grandi na Europa. E bentaha grandi di Europa ta tambe cu cada pais ta pega na otro na unda cu ta facil pa yega na otro. Na Aruba nos mester subi avion pa yega na un evento cu ta costa masha hopi placa, specialmente ora cu bo no ta haya e subsidio pa esakinan. Esaki tabata un oportunidad unico cu Hakeem Lowe a haya y cu no por a wordo poni un banda. 

hakeem_lowe_cu_plyometric_drills_serca_ex-campeundial_henk_meijer__juli_15_2014_00100.jpghakeem_lowe_cu_plyometric_drills_serca_ex-campeundial_henk_meijer__juli_15_2014_00104.jpghakeem_lowe_cu_plyometric_drills_serca_ex-campeundial_henk_meijer__juli_15_2014_00120.jpghenk_meijer.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event