| 
RC Cola Indians a vapulia Defenders PDF Print E-mail
Tuesday, 22 July 2014
rc_cola_henriquez_pitching_2.jpg Campeonato Heineken di Aruba Softball Bond dedica na Andresito Krozendijk y Bertrando Delaney  a continua durante siman riba veldnan nobo na Pos Chiquito.

Den categoria A-Klas e equipo di RC Cola Indians a bin por la goma e aña aki y a vapulia Defenders fuertemente.  RC Cola cu intension serio di subi bek pa AA ta mustrando cada biaha mas completo riba tereno.  RC Cola Indians 25 careda, 13 Hit, 3 error. Defenders 2 careda, 1 hit, 5 error.  E hoben Jerino Henriquez a bay completo y a resulta pitcher ganador.  Jorge Santana a bay cas cu e derota ricibiendo relevo den di 4 inning for di Nelson Moreno kende den mesun inning a wordo releva pa Ramon Garcia y despues pa Melchor Abreu.

Mihor bateadornan pa RC Cola Indians tabata Christopher Rasmijn 3-3, Bryan de Cuba, Gregory Alias y Gerald Werleman tur di 3-2.  Pa Defenders e unico hit a wordo bati pa Eldrick Maduro kende a bay di 1-1.

Den di dos wega di anochi den categoria AA Macuarima Spark Elektra kendenan ta den un racha di victoria, a amplia nan liderasgo ganando Mariners den un wega basta preta.  Macuarima 8 careda, 9 hit, 0 error.  Mariners 6 careda, 9 hit, 4 error. Lucio Geerman kende a drenta releva Richard Simon den di 4 inning a bira e pitcher ganador.   E veterano Antonio “Tony” Warner por mira atras riba un bon performance pero errornan tabata demasiado cualnan a pisa bastante den e wega. Mihor bateadornan pa Macuarima Spark Elektra tabata Leander Angela 2-2, Ingomar Flanegin y Jason Albus ambos di 3-2, Jermain “Pulun” Ras y Lucio Geerman di 2-1. Pa Mariners a destaca den causa perdi Franco Wouters 2-2, Gerwin Thiel, Sidney Curiel y Renny Hernandes tur di 1-1.

Weganan ta continua diamars awor na Pos Chiquito pa 7 p.m Final Touch vs RC Cola y pa 9 p.m Montañ Braves vs Pizza Hut Monster. Diaranson 23 di Juli pa 7pm Final Touch vs Defenders y pa 9 p.m, Macuarima vs Royal Power.  Diahuebs 24 di Juli pa 7 p.m Montaña Braves vs Royal Power y pa 9 p.m Macuarima vs Pizza Hut Monster.  Fanaticada di softball yega tereno bin apoya bo equipo preferi!

macuarima_elvis_maduro_lansando.jpgmariners_batting_vs_macuarima_incho_catching.jpgrc_cola_rounding_third_vs_defenders.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event