| 
Mercado Santa Rosa na Villa Floralina hunto cu Interpaso PDF Print E-mail
Friday, 12 September 2014
img_8372.jpg Tabata prome biaha aña pasa cu Mercado Santa Rosa a wordo combina cu Interpaso 2014 na Villa Floralina.

Tabata un fin di siman super exitoso caminda for di tur skina nos hendenan a sa di duna sosten grandemente na Mercado Santa Rosa y tambe Interpaso di dicho aña.  Nos Agricultor y productornan a sa di percura pa ricibi tur bishitante di e Mercado cu tabata bon prepra.  Sea ta cu un producto traha localmente.  Un plato crioyo super delicioso, of si bo tabata desea un mata di bo fruta preferi tambe por a wordo localisa den nos Mercado Santa Rosa.  Sigui pa parti merdia cu prome competencia di Cabrito y Carne.  Un competencia cu pa prome biaha ta wordo organisa aki na Aruba cu tabata exito y particular.  Esnan cu tabata presente a gosa di e competencia aki.  Un Huez international a sa cu husga cada Cabrito y Carne debidamente.  Parti atardi a continua cu e competencia di Interpaso.

E aña aki esaki tambe lo bira e caso cu un biaha mas Mercado Santa Rosa hunto Oragnisacion Caballista Arubano OCA lo wordo combina cu Interpaso 2014 e weekend di diabierna 26 y diasabra 27 di September y e Mercado mes lo ta hunto cu e final di  Interpaso riba e diadomingo 28 di September.  Di parti OCA lo sa di percura pa e aperture di Interpaso diabierna cu diferente participante internacional.   

Diasabra lo continua cu e diferente categorianan di Interpaso 2014 y tambe lo tin competencia di changamento di porco, esaki ta algo masha comico pa mira cu esnan cu gara e porco den menos tempo lo tin premio pa esaki.  Asina ta yega diasabra na Villa Floralina pa abo temba por participa den e actividad aki di gara e porco.

Diadomingo e afamado Mercado Santa Rosa lo cuminsa for di 10’or di mainta. Aki tur productonan local natural cu ta obtenibel, mescos cu nos fruta e berduranan cu no por falta den nos Mercado, sin papia mes di nos cumindanan crioyo dushi preprara wardando abo hasi nos un bishita riba e diadomingo 28 di September.  Pa nos muchanan cu ta bin hunto cu nan mayornan tambe lo tin entretenimento pa nan por gosa y diverti sin e mayornan tin cu precupa cu e muchanan.  Mester menciona cu pa ful e weekend di e Interpaso 2014 combina cu Mercado Santa Rosa lo tin bandanan popular cu lo bai pone ambiente pa tur esnan presente.

Pa loke ta trata e competencia masha comenta di Cabrito y Carne esaki lo tuma lugar pa di dos biaha riba e diadomingo 28 di September durante nos Mercado na Villa Floralina.  Pa e motibo aki nos ta hasi un apelacion na tur esnan cu tin cabrito of Carne cu ta desea pa participa pa tuma contacto cu Santa Rosa y puntra pa sr. Ludwig Rasmijn kende lo percura cu e inscripcion pa e competencia aki cu lo bai tin premionan atractivo.

Probecha paso dianan ta pasa liher y asina pa bo no keda afo di e competencia aki pa asina bo por demostra e beyesa di Cabrito of Carne cu abo lo ta disponi di dje. Lo bai tin Huesnan international cu lo bai husga e competencia aki.

No lubida bo tin un cita cu nos dianan 26, 27 y Mercado Santa Rosa hunto  Interpaso 2014 riba diadomingo 28 di september lo ta e combinacion perfecto pa abo por yega y disfruta di un fin di siman completamente diferente na Villa Floralina.

img_8339.jpgimg_8366.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event