| 
Segundo temporada di Kids Bike Jams a yega su final PDF Print E-mail
Monday, 15 September 2014
kbj_2.jpg Justin Morales recientemente a sinja core bicicleta y tabata emociona pa mustra su abilidadnan diasabra, 13 di September, na e gran final di Kids Bike Jams na Drive-Inn. 

“Mi a pasa genial y mi a haya hopi amigo nobo”, Justin a bisa.  Justin cu 70 otro mucha a participa na cuatro evento hopi anticipa di mountain bike, cu ta dividi den categoria di edad: categoria 1 edad 6-7, categoria 2 edad 8-9, categoria 3 edad 10-11, categoria 4 edad 12-14.   

  Durante varios evento cu a cuminsa na April 2014, e muchanan a participa y a colecta punto pa nan prestacion.  Na e gran final a conoce e ganadornan maximo den cada categoria.  Justin Morales ta un di e campeonan di Kids Bike Jams.

  "E evento aki ta uno alegre y cu un bon espirito deportivo.  E ta crea un momento specifico pa e mucha por core su bicicleta bao di supervisión y den un ambiente positivo.  Kids Bike Jams ta pa promove e motivacion intrinsico cerca cada mucha.”   E organisadornan ta comenta cu nan ta kere cu dor di reconoce e esfuerso di cada un mucha pa cu nan prestación, e ta stimula e mucha pa e keda cu e animo pa sigui cu e deporte.

  Kids Bike Jams ta un divercion den seno familiar!  Banda di e caredanan, certificado, t-shirt, regalo y goody bags pa tur participante, tin tambe musica, sakamento di portet y e mihor coffee pa tur e mayornan.

  “Pa dos anja consecutivo, nos a ofrece e evento aki cu tabata completamente gratis, pa famianan por a sali hunto den aire liber.  Nos lo sigui cu nos esfuerzo pa por continua cu e evento aki pa nos muchanan,” e coordinador a bisa.  Esaki ta posibel danki na aporte di comercio y e equipo di ciclismo Go Fast Cycling Team & Tri-Bike Team.

kbj_1.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event