| 
Jonathan y Cherley a logra 3 medaya pa Aruba na Suriname PDF Print E-mail
Sunday, 12 October 2014
cherley_vd_linden.jpg E ciclistanan Jonathan Croes y Cherley van der Linden a logra pone nomber di Aruba entre e topnan di Caribe cu nan resultado na e campeonato di ciclismo hubenil na Surinam.

Jonathan hunto cu su compañero di equipo Eugene Dirksz a logra escapa cu un grupo di 7 ciclista.  Faltando 15 Km pa e careda termina, Jonathan a hasi un intento y a logra laga e grupo. Faltando un buelta mas promer cu final, ela wordo alcansa pa e ciclista di Trinidad & Tobago.  Den un sprint final, Jonathan a finalisa na di dos lugar.  E experiencia aki pa Jonathan ta algo unico, esaki ta Jonathan su promer salida internacional den e categoria Junior.  E tabata e atleta mas hoben cu a escapa cu e grupo inicial y asina ela logra su medaya di plata.  Un tremendo resultado cu sigur e lo corda semper.

Cherley a logra su di dos medaya di brons, después di e resultadonan e día anterior, tur ciclista den e campo di competencia, tabata pendiente pa otro.  Na un dado momento e grupo ta yegando final, e velocidad a subí y tur coredor a bringa pa nan posición.  Cherley a keda na di tres lugar den un sprint-finish hopi fuerte contra e coredornan di Trinidad & Tobago, cu a gana e promer dos posicionan.

Hopi felicitacion pa e ciclistanan Jonathan y Cherley.  Un palabra di pabien na e coach nacional Ervis Benitez y mayornan di e atletanan pa cu e dedicacion y preparacion.  Un pabien tambe na e delegacion completo di Aruba cu a hasi nan maximo esfuerso pa representa Aruba, di bini di parti Go Fast Cycling Team.

jonathan_croes.jpgdeparture_group.jpgeugene_dirksz.jpgoriana_thielman.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event