E tabata un Marathon hopi agradable y e tempo tabata hopi bon, e tabata un tiki calor pero un biento fresco a percura cu e no tabata demasiado calor.

Tur 8 Arubanonan a yega na finish den un tempo hopi bon y nan a haya e medaya cu nan tabata bringa p’e asina duro.  E tabata e prueba pa cual nan a prepara hopi bon pa e evento aki.

E Marathon di Amsterdam ta e Marathon mas grandi di Hulanda cu un total di 40.000 participantenan (mas o menos 14.000 di esei ta participa na e Marathon).   

Tabata tin participantenan di mas cu 60 pais.  E ruta tabata hopi impresionante y e ta lora banda di e terenonan berde rond Amsterdam y banda di hopi lugarnan historico di Amsterdam (Amsterdamse Bos, Museumplein, etc).  Tabata tin pidanan cu ta camindanan hopi smal pero tambe camindanan hancho di asfalt.

E participantenan di Aruba y nan temponan tabata como lo siguiente:

Eugene Martis: 3.58 (PR)

Hans Ruiter: 4.20

Johnny Cheng:  4.23

Burt Tromp: 4.27

Koos Veel:  4.28 (PR)

Jurgen van Schaijk:  4.33

Bart Kool:  5.23

E grupo di atletanan aki tur ta parti die grupo "Run For Your Heart" y nan ta train semper hunto na Aruba.  Nan ta participa na tur e caminata’s y Run/Walk pa duna un bon ehempel na comunidad Arubano den e lucha contra obesitas.  Nan lema ta “Participa ta mas importante cu gana”.  E 8 atletanan di Aruba por wak bek na un evento hopi exitoso na Amsterdam. Tur hende ta bon bini na e grupo aki y pa mas informacion tuma contact cu Koos Veel This e-mail address is being protected from spam bots, you need JavaScript enabled to view it .