| 
Atletanan di Soekandar, Flanders y Dabian lo atende un campo di entrenamento na Orlando, Florida PDF Print E-mail
Friday, 24 October 2014
bmx.jpg Na vispera di e Weganan Centro Americano y del Caribe na Veracruz, Mexico, nos atletanan clasifica ta den pleno preparacion.

Den e dianan aki, mayoria di e atletanan clasifica lo atende camponan di entrenamento como tambe participa na algun weganan di fogeo den exterior.

Dialuna merdia, e atletanan di BMX, Zaithyel Soekandar y Feddison Flanders como tambe e atleta di reserve Aschwin Dabian a sali pa Orlando, Florida unda nan lo permanece pa 10 dia entrenando duro pa e Weganan CAC. 

Tur tres atleta a hiba un preparacion di varios luna y ta den bon condicion fisico, sin embargo pa hiba un preparacion mas debido cu mas fogeo, e atletanan a biaha pa Orlando unda nan lo entrena riba diferente pista den y rond e ciudad.  Den e fin di siman aki nan lo competi den e famoso Disney Cup Fall Narionals cual lo conta pa puntuacion riba e UCI ranking.  Un danki sigur na Lotto, e Loteria di Aruba pa medio di Comision di Subsidio cu ta subsidia e biahe di e atletanan di BMX.

E atletanan lo wordo compaña pa e entrenado nacional di BMX, Pedro Estaba, mientras cu dia 30 di October nan lo regresa Aruba y pa su mañan nan lo ta na Corsou pa un careda internacional grandi teni na nos hermana isla.  Esaki a la ves lo bira e ultimo fogeo pa nos atletanan di BMX prome cu nan sali pa Veracruz, Mexico.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event