| Bandera di Aruba ta bati na Clearwater, Florida |
|
|
|
| Friday, 24 October 2014 | |
 E siman aki lo tuma lugar e 2014 RS:X Youth
World Championships Windsurfing na Clearwater Florida, cual ta e Olympic Class
Windsurf. E campeonato
aki ta limita pa atletanan no mas bieu cu 18 aña.
Un
total di 20 pais y 85 atleta lo participa na e evento aki, cual ta wordo considera
e top-shelf teenage competitors cu ambicion pa qualifica y competi pa e Olimpiada
di 2016 of 2020. Windsurf ta un deporte
Olimpico pa mas di 30 aña caba.
Cu sosten di Comite Olimpico Arubano (COA) y
Aruba Sailing Association (ASA), Aruba tambe lo ta participando na e evento
aki. E atletanan cu lo representa Aruba
ta Mack van den Eerenbeemt (ARU-11), Steven-Max Lageveen (ARU-888) y Tom Croes
(ARU-103), hunto cu nan coach Marc van Santen. Nos atletanan tin mas cu un aña dedicanto na e
tipo di Windsurf class aki. Banda di
train ariba awa, nan ta haya personal training di Aldrick Maduro, pa asina nan
por ser forma pa ta un Olympic Windsurfer. Nos ta desea Mack, Steven y Tom tur clase di exito na RS:X Youth World Windsurfing Championship 2014.     
|
| < Prev | Next > |
|---|
