| 
Synchro Aruba lo ta bon representa na e Weganan di CAC PDF Print E-mail
Tuesday, 04 November 2014
synchro_1.jpg Cu sumo placer, Barracudas Aruba, ta presenta na pueblo e team Nacional di Landamento Sincroniza, cu ta forma parti di e Seleccion di AZB (Arubaanse ZwemBond). 

Na luna di November e team di hoben altetanan aki lo representa Aruba na e ciudad di Veracruz, Mexico.  Nos hobennan lo participa den e categoria Senior, durante e competencia pa weganan Centro Americano y del Caribe (CAC).  Ta di aprecia tur e esfuerzo cu e hobennan aki ta haci, pa bai bon prepara.  Nan ta sigui un programa estricto di practica.  Cu ayudo di nan coach, nan a sa di hinca no menos cu tres tremendo rutinas den otro. 

Cu e mesun entusiasmo di por representa nan pais entre otro paisnan, asina e hobennan kier conta cu apoyo di pueblo di Aruba prome cu nan subi avion.   

Barracudas Aruba ta invita pueblo di Aruba en general y tambe famia di e atletanan pa bin presencia nan presentacion.

Dia 8 di november proximo lo tene un anochi di presentacion di varios atleta cu nan rutina (show den awa cu musica) y asina habri espacio pa e presentacion oficial di nos Team Nacional.  Ta di sumo importancia pa nos duna respaldo total na nos seleccion.  Laga nos bini hunto pa apoya nan y desea nan tur cos bon y hopi exito.  Ticketnan ya ta obtenibel cerca tur atleta di Barracudas Aruba.  Ta pidi un y tur pa yega na tempo na Piscina Olimpico Roly Bislick na Savaneta.  Porta ta habri 6or di atardi y e show mes ta cuminsa 6:30 p.m.  Riba e dia aki lo tin varios articulo di synchro obtenibel y tambe algun cos di boca dushi pa recauda fondo.   

E team ta forma pa: Nathania Taylor, Talisah Beke, Neftaly Alberts, Alexandra Mendoza, Amanda Maduro, Nataly Geerman, Abigail de Veer y Nathania Riley.

Di awor caba nos ta desea nos Team Nacional hopi exito den representacion di nos pais Aruba: “Durooo Barracudas!” Pa mas informacion: Like e Facebook page: Barracudas Aruba.

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event