| 
IBiSA a participa na CarriQre Dag di Colegio San Antonio PDF Print E-mail
Wednesday, 05 November 2014
img_1906.jpg Recientemente Colegio San Antonio a tene un “Carriёre Dag” pa su alumnonan cu ta finalisando nan estudio y ta prepara pa sigui cu estudio avansa.

IBiSA tambe a participa na e dia di informacion y a presenta tur dato pa e alumnonan cu tabata interesa riba e estudio di CIOS.  “CIOS” ta e abreviacion pa “Centraal Instituut voor de Opleiding tot Sportleiders” y e estudio aki ta riba un nivel di MBO, cu ta duna e oportunidad pa haya un profesion den deporte y/of movecion.

Señora Jacqueline Ponson van Putten a representa IBiSA como orador, hunto cu juffrouw Tyrine de Kort, kende ta un graduado di CIOS y actualmente a cuminsa na september e opleiding di “Movecion y Salud” na IPA pa logra asina su HBO aki na Aruba mes.

E hobennan di Colegio San Antonio cu tabata presente den e sala a sigui e presentacion cu hopi interes y continuamente tabata pidi mas informacion di e tema.  Nan a participa activo cu hopi pregunta durante henter e presentacion. Señora Jacqueline Ponson van Putten a duna un amplio splicacion riba e estudio y tur loke ta ensera e preparacionnan pa por sigui cu e CIOS opleiding.  El a conta e alumnonan di su propio experiencia cu CIOS.  Pa mayoria hoben e CIOS opleiding tabata desconosi y cu e presentacion aki a duna nan un claridad y tambe posibilidad kico pa haci.

E hobennan a haya recomendacion pa nan sigui busca tur informacion y pa nan ta pendiente pa e testnan cu tin cu haci aki na Aruba prome.  Ta trata di un test fisico cu ta wordo coordina pa IBiSA mes.  Un test cu e hobennan tin cu hasi prome cu nan bay Hulanda y pa nan por integra den e opleiding.  CIOS opleiding ta dirigi specialmente pa crea lidernan pa guia den deporte.

Pa mas informacion por contact Señora Jacqueline Ponson van Putten na oficina di IBiSA na telefoon 582 4987.  Den transcurso di e ultimo lunanan di aña IbiSA ta bay duna mas informacion e estudio di CIOS na e hobennan y nan mayornan.

img_1909.jpgimg_1914.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event