| 
Aruba ta den Grupo A despues cu U-20 a marca historia pa Aruba su Futbol PDF Print E-mail
Thursday, 06 November 2014
aruba.jpg Fin di siman pasa, e tiramento di lot di CONCACAF pa e U-20 Championship cu lo bay tuma lugar na Januari di e aña entrante, a wordo teni na Hilton Rose Hall Resort Hotel, cu ta situa na Montego Bay Jamaica.

FIFA Vice President cu tambe ta President di CONCACAF, esta sr. Jeffrey Webb, a habri e ceremonia di e evento aki.  Durante su discurso breve, su persona a desea tur team cu lo participa na e evento aki tur clase di exito, tambe e la gradeci pais Jamaica cu ta e pais anfitrion pa nan disponibilidad pa di e forma aki e cada seleccion di paisnan den region por competi contra di otro pa asegura nan puesto pa e gran final di e copa mundial di e categoria U-20.

E diesdos seleccionnan cu a clasifica a wordo sortea den dos grupo di seis.  E persona cu tabata encarga cu e sorteo aki, tabata e director di marketing y comunicacion di CONCACAF, sr. Jurgen Mainka y hunto cu ne ex-hungadornan di e seleccion Jamaiquino sr. Aaron Lawrence como tambe Ricardo Gardener. Ambos miembro di e team cu a hunga mundial na aña 1998.

Den Grupo A tin na cabes, e pais anfitrion Jamaica, sigui pa Trinidad & Tobago, Aruba, Panama, USA y Guatemala.  Mientras den Grupo B e seleccionnan ta Haiti, Canada, Mexico, Cuba, Honduras y El Salvador.

E ceremonia di apertura lo tuma lugar dia 9 di Januari 2015 na e stadion nacional situa na Kingston, Jamaica y lo ta e mesun stadion caminda cu nos orguyonan di Aruba lo hunga aden.

E prome finalistanan di Grupo A y Grupo B, lo asegura cada un nan cupo pa e Copa Mundial, mientras number 2 y 3 di cada grupo lo hunga contra di otro pa wak cu lo ta e mihor dos seleccionnan cu lo haya nan cupo pa e fase di e Copa Mundial U-20.  Pues na total 4 Pais lo haya e oportunidad pa representa CONCACAF den e fase final di e Copa Mundial bou di e categoria U-20.

draw_picture.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event