| 
AVB contento cu e participacion di 12 cursista di TC-IV PDF Print E-mail
Thursday, 06 November 2014
groeps_foto_2.jpg Despues di un siman intenso di preparacion, futbol di Aruba por conta cu diesdos entrenador mas cu ta certifica pa KNVB aki na Aruba cu e curso riba e nivel di TC-4.

Manera ta bon conoci caba cu entre AVB y KNVB tin un bon relacion di cooperacion y lasonan estrecho cu otro, pesey e siman tras di lomba, Aruba a bolbe saca bon probecho di e relacion aki.  No por keda sin menciona cu na e momentonan aki sr. Elvis Albertus ta pasando su curso di TC 1 na Zwole, Hulanda.  Mientras cu pa proximo aña sr. Bermudez cu tambe ta forma parti di e departamento di Directornan Tecnico di AVB, tambe lo bay Hulanda pa e por haci su curso riba e nivel di TC-2, di e forma aki AVB ta continua den su afan di tin mas persona bon prepara riba diferente nivel y conocimento di e arte di futbol, cu e meta di mehora nos deporte den tur aspecto tecnico posibel.   

  Diadomingo ultimo e docente di curso tecnico di KNVB, esta sr. Piet de Jong a elabora cu e ta contento cu e diesdos cursistanan a biba na tur momento e entrenamento y les cu su persona a bin pa duna nan y cu e ta mira gran potencial den e diesdos personanan aki.  Señor Piet de Jong lo traha riba un rapport final cu e lo mester entrega na KNVB pa di e forma aki cuminsa cu e proceso cu AVB a pidi KNVB, esta pa duna e curso di TC-3 aki na Aruba proximo aña.  Segun sr. De Jong cu apesar cu e la bin pa duna TC-4 so, cu tog e la duna cierto lesnan riba nivel di TC-3 mirando cu e diesdos cursistanan tabata hopi bon.  Pues pa AVB ta un orguyo grandi di tin diesdos cursista nobo reconoci, cual sigur lo yuda forma e muchanan den diferente division cuminsando na esnan di LIFIDA.  President di AVB, ing. Richard Dijkhoff den nomber di su directiva kier a extende palabra di pabien na e diesdos cursistanan.

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event