| 
Canada y Venezuela comandando e tabla di posición PDF Print E-mail
Thursday, 06 November 2014
pitcher_canada.jpg Weganan clasificatorio di softball masculino na Parana, Argentina den su buelta final.

Desde 24 di October selección masculino di softball di diferente paísnan miembro di CONPASA, e confederación Pan Americano, ta hungando un campeonato clasificatorio.  Un total di 6 pais lo clasifica cual paisnan lo drenta Juegos Pan Americanos cual lo tuma lugar Juli 2015 na Toronto, Canada.    

Durante e promer siman tur paisnan a enfrenta otro hungando un total di 56 partido unda e weganan tabata tremendo cu scoresnan manera 1-0 den 12 inning of 2-1 den 10 inning pa nombra algun.  Standing di e promer round Canada a sali na promer lugar cu 6 gana y 1 derota, Venezuela cu 5-2, Argentina 5-2, USA 4-3, Republica Dominicana 3-4, Mexico 3-4, Guatemala 1-6 y Cuba 1-6.   Mihor bateadornan tabata Mayson di Canada cu 11-5 cu un averahe di 455, Frias di Guatemala 14-5 bon pa 357 y Prigkhen di Mexico di 17-6 cu un average di 353 empata cu Montero di Argentina cu mesun average.

Den pitcheo den e promer buelta Clearly di Canada cu 3-0, Ramon Jones di Venezuela 3-1 y 4 otro pitcher cu 2-0.  Lo cual ta trata batting average di equipo Venezuela a comanda esaki cu 183 turno y 43 hit bon pa un average di 235 sigui pa Canada cu 177-38 bon pa 215 y na di tercer lugar Argentina cu 168 turno y 35 hit cu un average di 208.  Por tuma nota cu nivel di pitcheo den competencia  Panamericano ta uno hopi dominante manteniendo average di team di tur país bao di 250.  E promer 4 paisnan lo hunga finalmente un ISF Page System playoff pa asina determina cual pais lo gana medaya di “Oro”, Plata y Brons.  Paisnan cu lo pasa pa e siguiente buelta ta Canada, Venezuela, Argentina y USA.  Nos pais bisiña Venezuela ta conosi ultimo añanan pa crese momento nan drenta playoff y tin nan pitcher estrea Ramon Jones kende ta un di e mihor pitchernan di momento.   

Canada ta keda un equipo fuerte mientras Argentina tambe tin pitcheo fenomenal. USA sin enbargo ultimo 3 aña por nota cu nan nivel a baha un poko pero lo keda peligroso.  Pronto nos lo tin e campeón Pan Americano 2014.  Mexico cu Republica Dominicana ambos cu record 3 victoria y 4 derota automáticamente lo clasifica na number 5 y 6 kendenan tambe lo ta rumbo pa Toronto den 2015.  Softball maculino den pleno desaroyo riba nivel mundial.

pitcher_mexico.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event