| 
Serie del Caribe di PONY League International lo ta na Aruba na Juli 2015 PDF Print E-mail
Sunday, 23 November 2014
img-20141122-wa0002.jpg Durante e fin di siman ultimo nos a recibi un otro bon noticia deportivo pa lo cual ta trata e deporte di baseball

Ta asina cu durante un reunion di e region Caribe di PONY League Baseball, caminda a participa representantenan di Puerto Rico, Venezuela, Republica Dominicana, Panama, Guatemala, Curaçao, Sint Maarten y Aruba, a desidi cu pa aña 2015, e Serie del Caribe lo bai tuma lugar na Aruba.

Presidente di PONY League Aruba, Sr. Benjamin Francees, a haya e apoyo entre tur e paisnan pa organisa e Serie del Caribe riba nos isla na Juli 2015.  Esaki ta un logro grandi mirando cu Aruba lo haya e oportunidad pa organisa un otro evento deportivo internacional cual ta nifica un propaganda pa nos isla ademas di e bishita di varios centenar di turista cu lo bai ta compañando e delegacionnan, sin menciona cu no solamente ta un tremendo oportunidad pa mira weganan di nivel internacional riba nos isla pero ademas un oportunidad tremendo pa nos hungadornan local pa midi forza cu equiponan internacional.

Mas informacion lo wordo duna den e siguiente dianan.  Pabien Aruba y na nos muchanan basebolista nos ta invita pa cuminsa prepara pa e tremendo reto aki na Juli 2015.

Ariba e potret por aprecia Sr. Abraham Key, CEO PONY League International, tambe Sr. Jose Perez di Pony League Venezuela y Sr. Benjamin Francees, Presidente di PONY League Aruba.

pony_league_logo.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event