| 
AVB cu palabra di agradicimento na PWC PDF Print E-mail
Sunday, 23 November 2014
rens_ter_weijde.jpg Cu cooperacion di PWC dialuna ultimo na Technical Center Angel Botta di AVB, e pre-seleccionadonan di U20 a haya e oportunidad di conoce Rens ter Weijde.

E “sport- and performance psychologist” hoben y exitoso a duna un training special na e pre-selecionadonan, pa di e forma aki yudanan pa nan ta mentalmente mihor prepara pa e compromiso importante cu nan tin na Januari proximo.  Señor Rens a haci diferente ehercicio cu nan y tambe a duna nan tips con pa nan mes por preparanan mes individualmente.  Su persona a splica e pre-seleccionadonan e motibo pa kico e ta di sumo importancia pa bo ta mentalmente relaha, hasta ora cu bo ta bou di un presion enorme durante wega.   Pesey mes cu tambe Rens a tuma su tempo pa siña e atletanan con ta e mihor forma pa nan conecta cu otro manera un team y ta mas resistente mentalmente.  E workshop cu a cuminsa atardi y a termina anochi, riba su mes tabata uno exitoso segun AVB y pesey mes kier a gradeci PriceWaterhouseCoopers pa nan sosten y apoyo cu e oportunidad unico aki cu PWC a brinda na e pre-seleccionadonan di U20.  Maske cu Rens ter Weijde su schedule tabata uno basta strak, mirando nan propio actividad di “PWC Masterclass Leadership 2014”, toch PWC a logra maneha e situacion di tal forma cu Rens por a comparti su experticio cu AVB.  Na e anochi aki sra. Jones cu ta e sport psycholoog di COA tambe tabata presente, mirando cu su persona tambe ta yudando AVB estrechamente riba e nivel aki.

adem_oefening.jpggroeps_foto.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event