| 
Brazil Taekwondo Stichting a parti carta di invitacion pa e Cena di Pasco PDF Print E-mail
Wednesday, 26 November 2014
entrega_di_invitacion.jpg Siman pasa y ainda e siman aki Brazil Taekwondo Stichting a cuminsa parti carta di invitacion pa e Cena di Pasco cu ta dia 13 di December na Centro di Bario Brazil.

Brazil Taekwondo Stichting ta bay haci entrega di varios premio na e atletanan, entre otro rooky di aña y atleta di aña. 

E calendario di Taekwondo cu a cuminsa na luna di Maart lo termina dia 6 di December na e campeonato di Master Eric Barry di San Nicolas Taekwondo Center.  E aña aki Brazil Taekwondo Stichting a pone mas ingrediente den nan pensamento pa asina pone Prensa competi cu otro den forma di publicasion di e relatonan di Brazil Taekwondo Stichting, esaki a hala hopi atencion di nos prensanan local cu a tuma esaki como un reto nobo pa nan.  Dia di e Cena di Pasco lo bay saca e prensa di aña 2014 cu a cumpli mas hopi cu Brazil Taekwondo Stichting durante di e aña, cuminsando for di Februari te cu December 2014.  E ganador maximo lo biaha cu Brazil Taekwondo Stichting pa Surinam dia 27 di Februari 2015 pa asina ta testigo con e team di Train Hard Fight Smart ta bay gana for di Frans Guyana, Surinam, Corsou y Merca na e TK5.  Brazil Taekwondo Stichting ya caba tin dos aña consecutivo ta gana e copa di TK5 na Surinam y ta conta pa gana esaki tambe na aña 2015 y Prensa lo bay ta testigo pa nan mes.  Esaki ta e prome aña cu Brazil Taekwondo Stichting a bin cu e idea pa pone Prensa competi contra di otro publicando e relatonan di Brazil Taekwondo Stichting, sea den corant, website of television, e concurso di esaki ta caba dia 1 di December 2014.  Awor cu tur hende invita tin nan invitacion den nan man, por cuminsa prepara pa e anochi unico aki den Centro di Bario Brazil.  Un programa bon yena for di 7:30 te cu 10:30 cu e Cena di Pasco, entregamento di premio pa atleta, prensa y e regalonan pa e atletanan.

entrega_di_invitacion_1.jpgentrega_di_invitacion_2.jpgentrega_di_invitacion_3.jpgentrega_di_invitacion_4.jpgentrega_di_invitacion_5.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event