| 
Team Aruba den landamento sincronisa cu un di 5 lugar den rutina combina PDF Print E-mail
Wednesday, 26 November 2014
img_3984.jpg Como un di e ekiponan di mas hoben den e Weganan CAC di Veracruz 2014, nos atletanan di landamento sincronisa a haya tur clase di elogio cerca e publico presente y prensa internacional.

Cu un promedio di aproximadamente 17 aña, e ekipo di Aruba ta esun di mas jong den e competencia aki, tin tres atleta di 13 y 14 aña di edad.

Diaranson atardi un bes mas nan a mira accion den e Centro Acuatico unda nan mester a landa e rutina di ekipo combina.  Mester bisa cu e team di Aruba den synchro a luci un biaha mas mescos cu e dia anterior unda nan a haya un bon puntuacion cerca e huesnan.  Cu un puntuacion total di 65.0333 Aruba a posiciona su mes na di 5 lugar.  Notabel ta cu e biaha aki Aruba a keda patras di Cuba pero dilanti Puerto Rico.  E pais anfitrion Mexico a bolbe luci y a termina na di prome lugar sigui pa Colombia y Venezuela.

Diabierna ta un dia crucial pa e ekipo di landamento sincronisa di Aruba mirando cu nan lo mester landa e rutina liber.  Un di cuater lugar aki lo nifica un clasificacion pa e Weganan Panamericano di Toronto 2015, pero nan lo mester termina dilanti Cuba y Puerto Rico kende sigur tambe lo bini fuerte manera a demostra diaranson. 

Tanto e atletanan como tambe coach Alva Torres ta hopi optimista cu e resultado te cu awor aki.  E lunanan di sacrificio pa loke ta e entrenamentonan ta dunando su fruto.

img_3911.jpgimg_4009.jpgimg_4177.jpgimg_4221.jpgimg_4546.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event