| 
Pony Baseball a ranca sali cu weganan interesante PDF Print E-mail
Tuesday, 13 January 2015
Diasabra mainta por a mira e calentura di baseball pa 2015 a cuminsa subi, despues di un tremendo opening ppony_logo_medium_copy.jpgarade / desfile na Paseo Herencia den e area hotelero. Por a aprecia un cantidad grandi di teamnan participante y automaticamente un cantidad grandi di muchaanan orguyosamente uniforma pa representa nan teamnan / organisacion. E wega nan mes a cuminsa den categoria, Shetland 5-6, Pinto 7-8, Mustang 9-10, Pony 13-14 diasabra mianta ora cu e team di Jani's Grasshopper a hunga contra di Marlins Acropolis Plaza, aki Marlins ta bai cu e victoria di 14 pa 6. E team Campeon di ABBA Liga Menor Hurricanes Mario Sport Shop tambe a mira accion contra di White Shark El Gaucho Safecom, aki e team campeon ta gana cu e score di 17-7. Den categoria di Pinto 7-8, e prome weganan a bai entre Giants Milka contra Hammer Shark S&L Contractor N.V. aki e muchanan di Milka ta gana comodo cu e score di 13-2. E otro wega di 7-8 a bai entre White Sharks Cura Cabai Lottery y
Marlins Burger King, aki White Sharks ta gana e wega cu e score di 9 - 7. Den e categoria cu ta mas grandi e anja aki den Pony Baseball cu ta Mustang 9-10, e weganan aki a tuma lugar na Jeugd Tanki Leendert Marlins Ballpark, e prome wega a bai entre Marlins High Performance y Giants Choq, aki Marlins ta gana cu e score di 9-3. Di dos wega a sigi directamente ora cu Marlins Guardian Group ta hunga contra di Giants Oreo, aki e wega a caba via knock out cu e score di 10-0. e ultimo wega na TL Marlins BP a bai entre Marlins Awa vs White Shark Mantbraka, aki nan e muchanan di Marlins ta gana cu e score di 3-1. Den e mesun categoria aki di Mustang 9-10 e otro weganan tawata na Dragon Hitters (Duracell), aki pa 1 or di merdia e muchanan di Hurricanes 9-10 a enfrenta e muchanan di Ayo di Grasshoppers Vitamalt, Hurricanes ta gana via di knock out 11-1 y e ultimo wega a bai entre Grasshoppers Mario Sportshop y Chocolate City aki Grasshoppers ta sali ganador cu e
score di 7 - 4. Mas wega a sigi den Categoria Bronco 11-12, ora cu Ritz Hurricanes ta hunga contra Marlins 11-12, aki e muchanan di Hurricanes ta gana cu e score di 7-1. E ultimo categoria cu a hunga diasabra tawata e categoria di 13-14 cu ta carga e nomber di Pony, aki e team di Blue Claws a enfrenta e team di CBN Postobon, aki e team di Blue Claws ta gana cu e score di 5-1, y despues a sigi e team di Giants Snack Pack cu a enfrenta Hurricanes, aki Giants Snack Pack ta gana 10-4. Un dia basta ocupa cu varios wega pero sigur un bon ambiente. Pony League Aruba Foundation mester di sosten di pueblo di Aruba, comerciantenan pa sigi inverti den e deporte di baseball aki pa asina nos muchanan sigi den deporte pa bira bon ciudadanonan pa nos pais. Tur informacion ta available via e website www.ponyleague aruba.com y cu su facebook page: Pony League Aruba, unda lo hanja tur e potret nan di e ultimo apertura y weganan cu ta tumando lugar.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event