| 
Despues di training di Pre Seleccion Masculino ASB a presenta un vision di 4 aņa na e atletanan PDF Print E-mail
Tuesday, 13 January 2015
selecion_cali_aruba_den_lobby_dann_carlton.jpg Pre Seleccion masculino di Aruba Softball Bond a re-anuda training diadomingo ultimo y despues di training directiva di ASB tabata tin un secion di 1 ora y mei unda a presenta un vision di proximo 4 aña pa cu selecion masculino. A splika cu intension di ASB ta pa mantene gran parti di e grupo aki pa e proximo 4 añanan. Promer salida official ta e campeonato di ECASC entre islanan di  Caribe 25 -30 di maart 2015 y ASB kier pone su miras y meta pa bin bek cas cu medaya y ohala por ta e medaya di oro. Lo sigui traha duro pa por clasifica na final di 2017 na Republika Dominicana den clasificasion Centro Americano y Del Caribe y asina trata na drenta den e mihor 6 paisnan cu lo bay melita den juegos Centro Americano y Del Caribe 2018 cual lo tuma lugar na Baranquilla Colombia.  Presidente di ASB a splika cu mas cu klaro esaki ta exigi committment di cada atleta pa sigui desaroya lo maximo riba nan posicion pero tambe esaki ta acopla na un plaatjie financiero cu actualmente ASB no tin. Pero si e boluntad di hungadornan ta grandi pa traha pa fit den e plan pa representa nan pais  ASB ta motiva pa drenta comercio y buska e fondonan nesesario pa por alkansa y mira resultado desea. Endy a splika cu no lo tin gloria sin sacrificio y e plan aki lo exigi di cada atleta bastante sacrificio. Tambe mester accentua cu na caminda den e trajecto di 4 aña tin atletanan cu kisas lo cay afor pa diferente factor y lo wordo replasa pa otro hobennan cu ta destacando pero mester mantene por lo menos un base solido y nos caracter y diciplina no mester laga nos perde e focus pa alkansa nos meta final. Un reunion cu un tremendo asistencia unda por a sinti e determinacion entre e atletanan cu hopi anthousiasmo . ASB su miras ta pa gana medaya den campeonato di ECASC na caminda pa clasifica den e promer 6 paisnan den clasificasion Centro Americano y Del Caribe na 2017. Spera cu nos por conta cu comercio di Aruba y otro instancianan  pa pone schouder bou di e vision di cuater aña pa cu e selecion masculino. Softball den pleno desaroyo!
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event