| 
Endy Croes a keda nombra den Long Range Strategic Plan Commission di ISF y lo sali pa San Francisco PDF Print E-mail
Tuesday, 13 January 2015
endy_cu_darryl_clout_presidente_softball_di_australia.jpg Apenas aña a habri y Aruba Softball Bond a ricibi un tremendo noticia.  Despues cu softball di Aruba ta cosechando hopi exito local y ta den un desaroyo sumamente positivo y importante por tuma nota cu mas y mas ISF ta poniendo confiansa den nos dirigentenan local. Aunke con chiquito Aruba ta pero su nomber sa di resona den e grandinan. Final di November 2014 presidente di ISF Mr. Dale Mc Mann a apunta Endy Croes pa por a representa su persona y ISF durante ceremonia protocolario unda a efectua entrega di  Medayanan di Oro na e selecion di Republica Dominicana cu a titula campeon femenino y medaya di Plata na selecion Cubano den weganan Centro Americano y del Caribe na Vera Cruz Mexico. Mientrastanto ISF ta pasando den un reorganisacion  total despues di a fuseer y forma hunto cu baseball e confederacion nobo esta WBSC. Tambe ISF ta trahando riba un master plan. ISF a sera contracto cu un compania proficional LBB Strategies  kendenan tin oficinanan na Montreal Canada y Paris Francia y ta brinda Federacionnan deportivo  e asitencia entreotro pa construi  un “Long Range Strategic Plan” pa ISF cu ta cuadra den e vision di WBSC. E compania LBB Strategies mundialmente ta conosi y a assisti  entreotro diferente Comittee Olympico y Federacionnan internacional rond mundo pa cu traha plan nan strategico pero tambe pa organisa evenementonan grandi manera ultimo Winter Olympic Games y Pan American Games. Presidente di ISF a forma un “High  Commision” unda a laga evalua dirigentenan di tur continente rond mundo.  Despues e “High Commision” a recomenda 8 dirigente na presidente di ISF kende na su turno a apunta 8 dirigente  hunto cu e Executive Director di ISF Sr Ron Radigonda  pa forma parti di e Comision cu lo bay traha hunto cu e compania LBB Strategies pa un siman na San Francisco pa asina prepara e plan strategico final mundialmente pa ISF. Endy Croes a keda eligi den e comision aki hunto cu presidentenan di Australia, New Zeeland, Canada, USA, Japon pa nombra algun.  Aruba Softball Bond a ricibi un carta oficial di ISF cu e nombracion aki y sigur ta orguyoso cu Aruba ta wordo conosi den dirigentenan grandi y pronto Endy lo sali pa San Francisco pa acopla su mes cu e grupo  pa asina cumpli cu e tarea aki. Contactonan y experencia cu lo wordo gana durante e secionnan cu LBB Strategies lo ta uno hopi valioso pa nos deporte di softball cual sigur nos lo sa di hasi uso di dije na cas pa nos softball local. Pabien Aruba. Un perla chiquito den Caribe pero cu hendenan cu curason grandi briyando pa hiba deporte y nan isla riba plataforma mundial.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event