| 
Hulanda y Aruba lo evalua si tin interes pa organisa Weganan deportivo entre e paisnan di Reino Hula PDF Print E-mail
Tuesday, 13 January 2015
bart_zijlstra_martin_van_rijn_nicole_hoevertsz.jpg Durante un reunion cu recientemente a tuma lugar y na cua a participa Staatssecretaris di Deporte pa Hulanda y representantenan di e Comitenan Olimpico di Hulanda y di Aruba

a conclui entre otro cu ta bale la pena pa studia e posibilidad pa organisa un evento deportivo entre e paisnan cu ta forma parti di Reino Hulandes.

For di aña 1965 tabata tin un evento deportivo, yama Koninkrijksspelen (Weganan di Reino), cu particularmente riba e islanan di Caribe Hulandes tabata sumamente popular. Banda di e aspecto deportivo, e Weganan di Reino tabata tin como meta tambe pa estrecha lasonan entre hobennan di e paisnan di Reino y pa stimula un intercambio di conocimento y experticio den deporte.

Varios ta e deportistanan hoben cu despues di nan participacion na Weganan di Reino a crece y bira atletanan estelar cu despues a bai forma parti di delegacionnan Olimpico di e diferente paisnan di Reino. Lamentablemente na aña 2010, cu e cambio di structura estatal di loke antes tabata Antiyas Hulandes, e Weganan di Reino no a wordo celebra mas na 2011 y despues di esaki tampoco no a wordo organisa.

  Sin embargo semper a keda existi un interes di parti di e federacionnan deportivo, como tambe di e Comitenan Olimpico Nacional, pa por ofrece na deportistanan hoben e oportunidad pa enfrenta otro riba tereno competitivo. Comite Olimpico Arubano y e Comite Olimpico Hulandes (NOC*NSF) pa e motibo aki ya pa algun tempo caba ta evaluando e posibilidad pa rebiba loke antes tabata yama Weganan di Reino. No den e mesun formato y kizas bou di un otro nomber, pero e esencia mester ta cu dentro di Reino Hulandes y a traves di deporte ta crea oportunidadnan competitivo y pa siña conoce (y comprende) otro mihor.

  Asina a tuma e iniciativa pa intercambia di idea cu e Staatssecretaris di Volksgezondheid, Welzijn en Sport di Hulanda, Señor Martin van Rijn, y presenta di parti di COA y di NOC*NSF e ideanan tocante e evento. A constata cu ta existi un cierto interes y cu lo mester evalua bon si e base ey ta suficiente fuerte y solido pa por garantisa un organizacion responsabel y duradero di e evento deportivo. E evaluacion ta bai tuma lugar durante e aña aki.  Asina cu tin mas informacion, e stakeholdernan lo topa bek na mesa pa dicidi tocante e proximo pasonan.

  Presente na e reunion tabata, fuera di Staatssecretaris Martin van Rijn y e Directeur Sport di e ministerio di VWS, Bart Zijlstra, Secretario General di Comite Olimpico Hulandes, Gerard Dielessen, y Secretaria General di Comite Olimpico Arubano, Nicole Hoevertsz.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event