| 
Pre-seleccion di landamento sincronisa a cuminsa cu nan preparacion pa e Weganan Panamericano di Tor PDF Print E-mail
Tuesday, 13 January 2015
sychro_1.jpg Ya pa algun siman e pre-seleccion den e deporte di landamento sincronisa a inicia cu e proceso di preparacion pa loke ta e Weganan Panamericano 2015 cu e aña aki lo tuma luga na Toronto, Canada.

Hasta durante e temporada di Pasco y riba Bispo di Aña e entrenamentonan a continua, te hasta mas intensivo, probechando di presencia di entrenadora Mericano Lori Eaton na Aruba.

  Despues di nan formidabel actuacion durante di e Weganan Centro Americano y del Caribe luna pasa na Veracruz, Mexico, unda e duet a logra gana un medaya di brons y e equipo a sa na conkista dos biaha un di cuater luga y ademas a logra un clasificacion pa e Weganan Panamericano, awor a cuminsa cu nan preparacion pa un reto nobo.

  Mester bisa cu pa prome biaha den historia a amplia e pre-seleccion na 16 atleta, caminda na final nuebe atleta so lo forma e seleccion final. Diasabra a tuma lugar e prome serie di test cu tur e 16 pre-seleccionadonan y tambe a landa e rutina (coreografia) nobo cu a ser prepara pa e staff tecnico di Lori Eaton y Alva Torres (asisti den e proceso pa e landadora estelar Anouk Eman) specialmente pa e Weganan Panamericano. Tambe pa e duet di Anouk Eman y Kyra Hoevertsz, cu ta biba y entrena na Merca, a prepara un coreografia nobo. Nan lo forma parti tambe di e pre-seleccion pa e evento di equipo (team), dunando esaki un boost grandi. 

  Entre e atletanan cu ta forma parti di e pre-seleccion pa e Weganan Panamericano nos por a mira varios ex-atletanan di landamento sincronisa a dicidi di bolbe bek y asina mira si nan tin e oportunidad di cay den e seleccion final y asina tin e honor di representa nos pais na e evento continental. E atletanan presente awe tabata Alexandra Mendoza, Nathania Taylor, Abigail de Veer, Kyra Hoevertsz, Anouk Eman, Nathalie Geerman, Talisah Beke, Kiara van Trikt, Iris de Vries, Janelle Flemming, Carondina Leijdekkers, Neftaly Albertsz, Ariadne de Goeij, Chelsey Mejia Torres y Amanda Maduro.

E decision final tocante e nuebe atletanan cu lo representa nos pais den synchro na Toronto 2015 lo wordo tuma na juni proximo.

  E Weganan Panamericano ta programa pa tuma lugar na Toronto, Canada, entre 9 y 26 di juli di e aña aki. Un total di alrededor di 7.500 participante di 41 Comite Olimpico Nacional di henter e continente lo participa na e evento.

sychro_2.jpg

 

sychro_11.jpgsychro_7.jpgsychro_4.jpgsychro_3.jpg

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event