| 
Dos dia di descanso pa seleccion U20 na Jamaica pero cu hopi preparacion pa e proximo partido PDF Print E-mail
Thursday, 15 January 2015
video_analyse.jpg Despues di dos dia di descanso, seleccion di Aruba categoria U20 a bay bek den nan seno pa traha riba diferente aspecto. Pa mas cu tur hende cu ta na Jamaica e momentonan aki ta conecentra cien porciento riba futbol, toch tin diferente aspecto cual ta wordo traha riba nan diariamente hunto cu e hungadornan di e seleccion. Manera por ehempel, ta percura pa e condicion fisico di cada hungador ta optimal. Esaki ta bou encargo di sr. Andy Gomes. Tambe ta tene cuenta cu si tin lesion y cual gravedad esaki por ta. Pues e parti di fysiotherapia ta bou encargo di sr. Frank Velasquez. Teniendo cuenta cu algun di e hungadornan ta bayendo scol ainda y cu apesar cu tur e concentracion ta riba futbol, toch no mester kita for di bista cu scol ta hopi importante. Pesey sr. Ronald Gomez tin e tarea di duna huiswerk begeleiding na e atletanan cu tin mester di esaki. E plataforma aki di CONCACAF Championship, ta esun di mas halto den CONCACAF, paso despues di esaki esun di mas halto cu bo por logra alcansa ta e final di Mundial di FIFA. Manera ta bon conoci caba, cu ta e 12 mihor paisnan so ta yega den e etapa aki pa wak ken ta titula campeon di e torneo como tambe kende ta e 4 paisnan cu ta bay e Mundial organisa pa FIFA. Pa Aruba, esaki ta algo unico debi cu esaki ta e prome biaha cu Aruba ta yega asina leu. Pa mas cu Aruba ta un asina yama “underdog”, toch no por keda sin remarca cu ta wordo bon papia di hopi aspecto positivo di Aruba den prensa internacional como tambe serca CONCACAF mes. Esaki ta algo cu sigur ta yena cada un di nos cu gran satisfaccion, maske cu nos deseo ta naturalmente pa logra lo mihor den e competencia aki. Pesey tambe cu durante e dos dianan di descanso di wega, headcoach Arent Bekhof y su staf technico cu a tuma e selecion aki over den un tempo relativamente corto, toch a sa di saca lo mihor di e seleccionadonan. Durante e dos dianan no unicamente a bay veld pa duna nan e entrenamento fisico y technico, pero tambe ta dunando nan hopi coaching riba e parti tactico. Esaki ta wordo haci por medio di borchi como tambe analisis di video pa cada hungador compronde cada detayes aun mas mihor. 
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event