| 
Deporte di Softball ta perde un“Baluarte”: Francisco “Bubeys” Gomez un homber cu un curason grandi PDF Print E-mail
Thursday, 15 January 2015
bubeys_5.jpg Aruba Softball Bond kier dedica awe repasando poko  historia di e gran personahe Francisco Antonio  Gomez Sevinger. Mihor conosi como Bubeys, Panchico of Capitan.

Bubeys ta bin di un famia humilde kende a yega Aruba na edad relativamente hoben. Bubeys na bida felismente casa cu amor di su bida Silvia Werleman alaves  tata di nan 3 juinan Penelope, Francis y Giovanni  tabata un tata di famia ehemplar y sigur hopi stima den su famia y amigonan. Bubeys hunto cu su ruman mayor Ronny y tambe Dany a biba un tempo na Noord Cura Cabay y mesora a bin cu e idea pa lanta un team di bario. Su rumannan mas chiquito Willy y Suzy a join e organisacion mas despues.  Asina e rumannan a lanta nan promer team cu amigonan den bario bou di nomber NCC. Bubeys kende tabata hopi bon den man di obra ta esun cu cu a corta e letternan di uniform y tabata verf esakinan pa duna nan promer uniform “home made” mas  style. Bubeys na edad hoben den su  carera laboral a trahacomo front office manager na Holiday Inn Hotel y mas despues  crediet manager na Concord Hotel y finalmente como junketeer. Esta busca gamblers internacional y organisa torneonan grandi di entreotro “baccarat” den cual Bubeys tabata un experto y super exitoso. Dado momento Bubeys tabata charter avionnan “ sold out” for di Venezuela y Colombia pa tresenan Aruba. Bubeys tin e record un biaha a charter un Viasa DC 10 ful yen pa bin Aruba pa torneo di baccarat. Tambe Bubeys tabata exitoso como promotor y tabata organisa tempo di Concord Hotel shownan internacional pa e special guestnan cu tabata bin gamble y asina por menciona cu Bubeys a tresa Aruba artistanan grandi manera Julio Iglesias, Jose Luis Rodriguez, Danny Rivero pa menciona algun. Bubeys den Concord arena a organisa tambe un campeonato mundial di boxeo esta peleanan pa titulo mundial. Bubeys  den su bida priva tabata tin un pasion enorme pa e deporte di softball cual porcierto el a mantene te momento cu papa Dios a manda jame. Rond 1980 su equipo tabata jama Concord Hotel. Poko despues nan a cambia di nomber y a bira Ritz y a join Aruba Softball Bond den B-Klas.  Ritz su promer aña den campeonato oficial di ASB a ta titula campeony a promove pa A-Klas. E aña sigiente Ritz ta titula campeon den A-Klas y ta wordo promovi pa e klas mas halto esta AA.Aki nan a cambia nomber y a bira Seguros Aponte Athletics. E aña sigiente nan ta marca historia ora nan ta detrona e trabuconan di Casa Haime y ta bolbe titula campeon pa di tres aña consecutivo den tres diferente Klas. Bubeys den su tempo tabata un tremendo centerfielder  semper estelar cu hopi speed riba base y tambe un bon bateo. Na aña 1991 bou nomber di Athletics Amstelito den AA Fast Pitch e equipo a hunga un di e finalnan mas grandi di Aruba riba veld di Caribe vs Pueblo( x-Video Center) unda a yena e veld ey cu fanaticada manera nunka bisto.Bubeys tabata e architecto constuctor kende semper ta pone e ideanan hunto mientras su man drechi su ruman Ronny y rumannan tabata esnan cu ta ehecuta e plan. Asina Bubeys den su gloria a bin cu e plan pa ban traha un veld di softball cual a bira realidad algun tempo despues. Veld di Astros na Pavia.  Bubeys ta esun cu a bin cu e idea pa ban lanta Copa ABC y entreotro su ruman Ronny ta esun cu semper ta ehecuta a  aserka Chai Curry di e equipo Teremoto di Corsow y despues Freddy St Jago di La Sonrisa di Bonaire y asina a inicia Copa ABC rond 30 aña pasa cual campeonato ainda ta existi den diferente categoria. Gran Apertura di “Veld di Astros” e soño di Bubeys cu a cristalisa a tuma lugar riba un aña di la Reina 30 di April 1984 unda e promer torneo cu a tuma lugar eyriba tabata e promer  Copa ABC y Teremoto a titula campeon e aña ey. E equipo di Astros a cuminsa challenge tur e team nan trabuco di e tempo aya manera Montaña Braves, Pova, JJ Killers y tabata gana tur.  Na 1985 y 1986 Astros ta logra titulo di sub campeon den Copa ABC. Bubeys hasiendo lokual semper e tabata bon den dije a sigui construi su equipo y a pone un record cu te awe e tin riba su nomber ganando 8 titulo di campeon di Copa ABC den fila desde 1987  pa 1994  y dos sub campeon 1995 y 1996. Pues hungando 12 aña consecutivo den tur final di Copa ABC. Bubeys mas na grandi a sigui cu Atros 40+ y despues Astros 50+ y tambe Astros 60+. Ainda 3 aña pasa Bubeys a pusha pa lanta Mio Athletics un team di hobennan cu a hunga den A-Klas di ASB y a titula campeon y a subi AA. Esaki ta papia hopi di su personalidad su pasion determinacion y dedicasion como Lider den softball. Equipo di Bubeys den nan gloria a representa Aruba entreotro na Cali, Corsow, Bonaire, Costa Rica, Venezuela, Halileah Miami.  Bubeys cu su miembronan yega di tira un gira di 21 dia den ful Mexico. Bubeys semper ta pone un idea su dilanti y ta percura pa esaki wordo cristalisa.Te na ultimo Bubeys semper tabata cana y train pa mantene curpa den condicion como party di su hobby y tabata bishita su ruman Willy kende ta esun mas serka di su cas cu hopi frequencia.  E partida diripiente di Bubeys for di nos sigur a laga un bashi enorme pero su familiares y amigonan y sigur su amigonan di e deporte di softball ta hopi pero hopi orguyoso di por tabata tin un Lider di tal magnitud como nan amigo. Bubeys tabata un persona super special como ser humano. Cu Papa Dios duna su casa Silvia,su juinan, rumanan y demas famia y amigonan e consuelo nesesario y  hopi forsa den dianan nos dilanti. Danki-Danki-Danki  pa tur lokual bo a hasi pa nos deporte di softball.  “Bubeys” - “Capitan” sosega na pas.

bubeys_1.jpg
 
 
bubeys_2.jpg
  
bubeys_4.jpg
 
bubeys_3.jpg
 
 
 
 
 
 
 
 
 
 
 
 

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event