| 
Calabas Blue Jays a celebra un 3 in 1 Party en grande na residencia di Edgard y Esther Tromp PDF Print E-mail
Monday, 19 January 2015

img_8709_1.jpg

 Durante fin di aña mayoria empresa, federacion y equiponan deportivo ta bini hunto pa celebra nan logronan durante aña.

E fuerte equipo di Calabas Blue Jays tambe a celebra engrande 26 di December ultimo na residencia di Edgard (Ga) y Esther Tromp nan  Three (3) in One (1) party. E Three (3) in One (1) party aki a consisti di e celebracion di Calabas Blue Jays su 35 aña di existencia cual sigur ta un “milestone” di admira  , Calabas Blue Jays campeon Copa Noord 2014, y naturalmente Calabas Blue  Jays su Christmas Dinner. Pa e ocasion aki residencia di Ga y Esther Tromp entreotro e motornan di e organisacion Calabas Blue Jays  a wordo comberti  a la Visage unda tabata reina un ambiente unico. A decora e hogar a la Celebrity Style y a cologa algun camisetanan di uniformnan cu Calabas a usa den nan trayectoria di 35 aña.  Na aña 1978 e muchanan di bario  a lanta un equipo di slow pitch cual a carga e nomber di Lucy’s Place. Na aña 1979 a eligi un directiva cual directiva a percura pa statutunan bou di nomber di  SV Calabas Blue Jays y asina e organisacion a bira oficial.  Calabas Blue Jays ta un equipo fuerte kendenan semper ta duna bataya contra tur oponente. Lokual ta hasi Calabas special ta cu Calabas Blue Jays semper tin un fanaticada grandi su tras. Tanto grandi y chiquito semper tey pa anima nan equipo. Calabas Blue Jays tin titulo di campeon den Copa ABC na 2007 y 2011 mientras sub campeon na 1984, 2004, 2005 y 2006. Den Copa Noord Calabas Blue Jays a logra titulo di campeon na 2001, 2008 y 2014 y sub campeon na 2002, 2006. Tambe Calabas tin titulo di campeon na 2008 den Copa di Bario Noord. Asina por bisa cu Calabas Blue Jays tin un trajectoria largo y exitoso cu diferente titulo di campeon como sub campeon. Sigur e celebracion aki merecidamente ta na su lugar y por a nota e caranan masha contento indicando cu e anochi tabata un a la mil maravilla.. Riba e potretnan por aprecia e alegria cu a reina durante e tremendo celebracion. Calabas Blue Jays duro duro bek den 2015. Un palabra di pabien na henter e organisacion di Calabas Blue Jays. 

img_8695_1.jpg
 
img_8731.jpgimg_8715.jpg

  

img_8739.jpg
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event