| 
Aruba Softball Bond por mira atras riba un aņa 2014 super exitoso PDF Print E-mail
Tuesday, 20 January 2015
asb_logo_new.jpg Aruba Softball Bond por mira atras riba un aña 2014 super exitoso alkansando y realisando mas di 90% di nan metanan di acuerdo cu nan liña di maneho pa cu 2014.

Campeonato Femenino                                                                                                                                            Campeonato Femenino a inicia na luna di maart 2014 unda equiponan a hunga un total di 4 round. Den luna di Juni a hunga e gran final unda Jaguars Nesbitts a titula campeón mientras Aruba Bank Lady Tiger a keda como sub campeón.

 

Seleccion Nacional Masculino

Final di April Seleccion Nacional masculino a biaha pa Cali pa competi den clasificasion Centro Americano y del Caribe.  Un Seleccion hopi hoben kendenan después di 19 aña a logra sali bek for di Aruba pa representa nos isla. Seleccion a hasi un tremendo papel. Jean Franco Wouters a conquista e “Best Infielder” di henter e campeonato.  Tur e esfuerzo aki a bin riba propio forza y voluntad di e hungadornan como kiera cu di Lotto, Subsidie y Minister Schwengle  Seleccion no a logra ricibi ni un solo Florin.

 

Campeonato Masculino   AA y A-Klas                                                                                                                             Campeonato Masculino AA y A-Klas a inicia  23 di Mei 2014 cu un bunita apertura na veld di Pos chiquito. Campeonato a termina 8 di September. A-Klas Balashi titula campeón A-Klas y a wordo promoví pa AA. Defenders a keda como Sub Campeon.  Den AA Royal Power ta reconquista su titulo y Pizza Hut Monster ta keda como sub campeón.

 

Congreso WBSC Tunesia Africa                                                                                                                                       Den luna di Mei Presidente di ASB Sr Endy Croes a biaha pa Tunesia Africa unda e promer congreso histórico a tuma lugar cu miembronan mundial di ISF ( Softball) y tambe IBAF (Baseball) y aki a lanta e confederación WBSC ( World Baseball and Softball Confederation). Esaki lo bira e único entidad cu lo atende cu Comittee Olimpico Internacional cu e posibilidad de re-ingreso di Softball y Baseball den weganan Olympico.

 

College USA a bin fogea na Aruba

Un fuerte equipo di College USA a bin Aruba na comienzo di Juni y aki pre selección Femenino kendenan tabata preparando pa un campeonato internacional a hunga un serie di 5 wega contra College USA. Aruba ta logra laga College USA den tereno 3-2 den un wega desisivo y ta gana e serie tambe 3-2. Promer biaha den historia Aruba a logra gana e serie cotra USA.                  

 

Champ of The Champs                                                                                                                                           27 di Juni pa 6 Juli pa di 8 aña consecutivo ASB a auspicial torneo di nan miembro SV Royal Power  Champ of the Champs. Un total di 8 equipo internacional unda Royal Power di Aruba ta derota Policia de Panamá den e gran final. Un torneo cu ta hala masha hopi fanatico y di un nivel super competitivo. Conosi den región di Caribe como e mihor torneo.

Curso pa Umpire                                                                                                                                                                        Final di Juni  ASB a trese umpire instructor di ISF Sr Julio Hellburg Aruba pa duna un clínica intensivo na nos umpiresnan. Curso tabata uno exitoso unda basta umpire a acudi. Tur e projectonan aki ta pa juda e desaroyo total di softball riba tur tereno.                                                                                                                                                 

 

Seleccion Femenino

Seleccion Femenino a prepara debidamente y a biaha final di Juli pa Bogota pa competi den campeonato di CONSURSA. Aruba ta logra 4 victoria y a planta un siminja. Aruba ta perde cu Argentina den un wega pa medaya di Brons y ta keda na di 4 lugar.  Ludmila Geerman ta regresa cu un premio a titulo personal como e best outfielder di e torneo.  Logro di 4 puesto ta uno histórico pa selección femenino.                                                                                                                         

 

Copa E Gran Dama

Aruba Softball Bond como parti di su programa preparando un selección masculino a organisa un torneo internacional inicio di December cu 3 equipo internacional.  Pre Seleccion a hunga 2 wega di fogeo den fast pitch  vs Republica Dominicana y a gana ambos wega mientras Pre Seleccion a competi tambe como equipo den e torneo y ta titula campeón den e torneo aki.

 

Statuut y Huishoudelijke Reglement

Directiva di ASB no obstante un calendario hopi ocupa riba tereno organisatorio den 2014 tabata tin 10 reunion di directiva hunto cu conseheronan durante aña pa asina revisa y modernisa tanto Statuut y Huishoudelijke Reglement di ASB. Statuut actual ta data di aña 1952 y reunionnan tabata fructífero y a logra keda kla cu un draft Statuut y ta den finalisacion di Huishoudelijke Reglement pa por presenta esaki na miembronan den e promer mitar di 2015 pa después e bay den un Algemene Leden vergadering pa aprobación.

 

Conclusion

Aruba Softball Bond por mira atrás riba un aña super activo unda trabownan duro a wordo realisa tanto riba tereno organisatorio pero tambe admistrativo.  ASB a organisa y auspicia mas di  150 wega den 2014.  Tur e trabownan aki ta trabownan voluntario cu e solo meta pa juda nos comunidad creando oportunidad pa nos hobennan y desaroya e deporte di softball pa un mihor nivel esta un nivel competitivo. Danki un y tur cu a brinda nan aporte y sostén. Pabien na e Directiva di Aruba Softball Bond dinamico.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event