| 
RCA ta celebra dia di Betico en Grande PDF Print E-mail
Tuesday, 20 January 2015
img-20150117-wa009.jpg Diasabra awor 24 di januari, sv RCA lo tin un programa completo di actividadnan pa celebra dia di Betico.

For di 9or di mainta lo start cu cuatro wega divisionnan infantil unda RCA Guardian Group y RCA Subway lo topa cu e fuerte organisashon berde di Savaneta esta La Fama den e programa di Lifida‎ y cu nos chikitin nan V8 Splash (mini mini 4 pa 5 anja) tambe den acshon. Pa 3or e dames nan Berde di La Fama lo hunga un wega amistoso contra di e damasnan Tricolor Neutrogena. Pa 4:30 ta programa e wega secshon hubenil di AVB divishon menor RCA Insel Air vs e trabuconan di Alto Vista Nacional/ Washington. Un wega di clase y talento den categoria U-16. Pa 5:30 Britannia y Teachers lo midi forsa den categoria 50, y pa 7or "un tabla lo bula" ora Roma y Inter topa otro riba cancha den otro bataya di 50. Riba cancha di zaal lo tin un torneo di 5 contra 5 unda e coaches nan di RCA a forma cuater team pa bataya contra otro. Den club mes lo tin transmishon di Real Madrid vs Cordoba pa 10am, Barcelona vs Elche y Rayo Vallecano vs Atletico Madrid . Bou patio lo tin e gran clash di domino ora "Biba Lekker" bai Guerra cu e kampeonnan di Aruba "Noord Stars". Tur esaki lo ta anima cu musica di Carnaval; Soca, Calypso, Roadmarch y warm-up pa Tumba Contest. Cushina lo ta bon arma cu Johnny Cake di Bacaloa, Pan cu Carni Stoba, Aros con Pollo, Soppi Carni, Pastechi, Kroket, Loempia, Arepita Dulce y Clam Chowder. Ban jega RCA Arena diasabra awor y pasa un dia super alegre y den bon ambiente. #rcapabida

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event