| 
Bo ta gusta deporte? E estudio di CIOS por ta net algo pabo PDF Print E-mail
Thursday, 29 January 2015
1.jpg Si bo ta un hoben cu ta gusta deporte y bo ta motiva otronan pa haci movecion, e estudio di CIOS por ta algo pabo. 

‘Centraal Instituut voor de Opleiding tot Sportleiders’, CIOS ta un estudio pa formacion deportivo riba nivel di MBO cu na final ta conduci na un profesion den cual deporte y ehercicio ta importante. E estudio ta tuma lugar na Hulanda na CIOS Arnhem/Haarlem of na ROC-Arnhem.  

Na Aruba, Instituto Biba Saludabel y Activo, IBiSA ta e institucion cu ta organisa, coordina y dirigi preparacion di e candidatonan cu ta interesa pa sigui e estudio aki pa medio di testnan cu ta keda haci tur aña. E aña aki, e testnan fisico ta tuma lugar otro luna riba diabierna dia 27 y diasabra dia 28 di februari 2015.

Rekisito necesario:

Hobennan cu ta interesa mester ta un studiante cu ta den su ultimo aña di MAVO 4, of cu a gradua caba di MAVO 4. Tambe studiantenan di EPB-doorstroom (Niveau 1), ta esnan cu ta bin na remarke pa haci e test di CIOS. E test ta necesario pa mira si e hoben ta cualifica pa drenta e instituto na Hulanda pa sigui e estudio di CIOS 2015-2106. Preferiblemente e hoben mester tin 18 aña di edad, di tal forma cu e por aplica pa e fiansa di estudio na Hulanda, mirando cu Aruba no ta duna un fiansa pa estudio riba e nivel di MBO.

Formulario di Inscripcion:

Tur hoben cu ta interesa pa haci e test di CIOS ta keda cordialmente invita pa tuma contacto cu sra. Jacqueline Ponson-van Putten riba su e-mail: This e-mail address is being protected from spam bots, you need JavaScript enabled to view it   .

Na su turno sra. Ponson van Putten ta manda e formulario di inscripcion pa tur esnan cu ta interesa. Of por pasa personalmente na oficina di IBiSA situa na Frankrijkstraat 1 y busca e formulario di informacion y inscripcion. Ultimo dia pa bo inscribi of entrega bo formulario di inscripcion ta diaranson dia 25 di februari 2015. Ta necesario entrega esaki na tempo pa IBiSA por sigui cu e preparacionnan pa e dianan cu e testnan ta tuma lugar.

 IBiSA ta recorda tur hoben pa haci e contacto na tempo y sigura bo puesto den e grupo di hoben cu lo haci e test di CIOS e aña aki, sino bo ta perde bo oportunidad y mester warda te proximo aña, ya cu e test di CIOS ta wordo haci solamente un biaha pa aña.  Pa mas informacion por tuma contacto cu sra. Jacqueline Ponson van Putten na IBiSA telefoon 582 49 87. 

2.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event