| 
Lotto ta felicita e premiadonan den hisamento di peso Copa Betico Croes PDF Print E-mail
Thursday, 29 January 2015
dsc_0221.jpg Riba Dia di Betico, Aruba Amateur Weightlifting Association a organisa su prome competencia di aña pa tur su atletanan cu Torneo Copa Betico Croes, esaki a tuma lugar den  Centro Deportivo Frans Figaroa na Noord.

A wordo competi den e categorianan di senior, junior, hubenil y master, mientras cu e atletanan di Muscle & Lungs Crossfit tambe a competi unda a haci e torneo uno mas grandi. Un danki na Lotto, e Loteria di Aruba pa medio di Comision di Subsidio cu a subsidia e torneo Copa Betico Croes den hisamento di peso.

  Nos tin e siguiente resultadonan den e competencia di hisamento di peso.  Den categoria femenino 63 Kg, Kyra Bislik a hisa pa prome biaha a Snatch 45 Kg, Clean & jerk 75 Kg a logra un total di 120 Kg, cu e total aki Kyra Bislik a gana medaya di Oro.

  Den categoria di 69 Kg, Jennifer Piter a Snatch 72 Kg, Clean & jerk 92 Kg pa un total di 164 Kg tambe a gana medaya di Oro.

  Den categoria di 75 Kg, Dianie Croes a gana medaya di Oro cu un Snatch di 41 Kg, Clean & jerk 55 Kg pa un total di 96 Kg.  Dianie a logra tambe kibra tres record personal.

  Den categoria di mas di 75 Kg medaya di Oro a bay pa Misha Raymond cu un Snatch di 58 Kg, Clean & jerk 75 Kg pa un total di 133 Kg.  Misha a kibra tres record di Aruba cu tabata riba su propio nomber cu un total di 9 Kg.  Medaya di Plata a bay pa Rachel Werleman cu a logra den Snatch 47 Kg, Clean & jerk 65 Kg y total 112 Kg.  Rachel a logra kibra tres record personal cu un total di 22 Kg.

  Den categoria youth masculino Carrel Lopez den categoria di 56 Kg a gana medaya di Oro cu un Snatch di 40 Kg, Clean & jerk 50 Kg pa un total di 90 Kg, den categoria di 62 Kg Gerswin Javois a logra gana medaya di Oro cu un Snatch di 56 Kg, Clean & jerk 77 Kg pa un total di 133 Kg, medaya di plata a bai pa Zymion Loopstok cu un Snatch di 55 Kg, Clean & jerk 73 Kg pa un total di 128 Kg.

  Den categoria di 94 Kg, Darvin Raphaela ta logra Snatch 103 Kg, Clean & jerk 132 Kg pa un total di 135 Kg. Darvin a gana medaya di Oro.

  Den categoria di mas di 105 Kg Joel Kuiperi ta logra gana medaya di Oro cu un Snatch di 100 Kg, Clean & jerk 140 Kg y total 240 Kg. Medaya di Plata a bai pa Albee Fernandez cu un Snatch 100 Kg, Clean & jerk 110 Kg pa un total di 210 Kg.

  Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio. 
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event