| 
SV Britannia MC Printing Vitamalt a titula campeon Copa Betico Croes 2015 PDF Print E-mail
Thursday, 29 January 2015
copp_i.jpg Diadomingo ultimo dia di Betico a tuma lugar e gran final di Copa Betico Croes 2015 den Frans Figaroa na Noord ora cu e “pumanan” di Piedra Plat a topa cu e “hulknan” di Noord.

E wega a tuma lugar bao di espectativa grandi pasobra den campeonato regular Bubali a gana SV Britannia fasil cu score di 4-1 y e muchanan di Piedra Plat sigur a bin pa saca clabo.

  Tabata notabel cu e DT di Bubali a hasi un cambio tactico ora cu nan a pone nan delantero y maximo goleador di Aruba su futbol, esta Tyron Maria den defensa central, cual cambio a sorprende tur hende, e cambio tactico aki a wordo specula tabata pa elimina e delantero Sebastian Montoya Cano y asina trata di kibra e forsa di SV Britannia.  E mes wega a cuminsa ariba un tempo masha halto mes y prome cu 2 minut di tempo SV Britannia por poco a bai ariba ora cu Luis Estrada a manda un cañonaso for di un distancia basta respeta, pero e bala a dal den palo bin bek den tereno; pero no a dura mucho cu SV Britannia MC Printing a bai ariba ora cu John Lugay a score e prome gol, pero cu un Bubali cu no kier a entrega y a sigi bataya pa busca e gol di empate, pero mester mensiona cu e defensa encabesa pa Theric Ruiz hunto cu Derwin Donata, Pierre Estiverne y Murillo tabata manera un muraya di beton y no tabata laga nada pasa.  Faltando algun minuut pa halftime, John Lugay cu un biaha mas a score pa su team SV Britannia Vitamalt bai ariba 2-0, pero e biaha aki for di un angulo hopi difisil y asina halftime a bai aden 2-0 na fabor di SV Britannia Bright Bakery.

  Den di dos tempo e wega a sigi ariba un tempo halto pero cu un Britannia  dominante y cu un medio campo sublime y cu hopi dominio di bala pa hungadornan manera Renier Paraez, Ulises Nuñez, Luis Estrada y P. Baromeo.  No a tarda mucho cu SV Britannia a bolbe anota su di tres gol pa medio di P. Baromeo den un tremendo combinacion.  Den un di e atakenan di SV Britannia e delantero a wordo benta abao y tabata Renier Paraez cu ta tuma e encargo pa sigi amplia e score pa SV Britannia pero a faya den su tiro penal cu a wordo tapa pa e keeper di Bubali.  No a tarda mucho cu tabata e propio Renier Paraez cu a fusila e keeper di Bubali cu un tiro di leu pa hasi e wega 4-0 y asina a amplia e ventaha di SV Britannia ariba Bubali.

  Den final atrobe tabata P. Baromeo kende a anota e di 5 gol cual a bira su di dos gol di anochi pa Britannia seya e victoria di SV Britannia Bright Bakery y asina referee de Lecca a fluit e final di wega y asina SV Britannia a titula campeon di Copa Betico Croes pa di 6 biaha den su historia. Un pabien grandi ta bai pa e hungadornan di Britannia cu a mustra determinacion y apesar cu nan tabata tin varios hungador den exterior pa motibo di compromiso cu seleccion U-20, pero asina mes a keda lucha pa e titulo.  Un pabien na staff tecnico y specialmente e fanatica di SV Britannia.  E golnan di SV Britannia a wordo anota pa John Lugay 2x, Pheadrick Baromeo 2x y Renier Paraez 1x.

copp_ii.jpgcopp_iii.jpgcopp_vi.jpgcopp_vii.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event