| 
IOC a pospone decision tocante deportenan nobo pa Weganan Olimpico di Tokyo 2020 PDF Print E-mail
Sunday, 08 February 2015
slider-tokyo2020-stadium.jpg Comite Olimpico Internacional (IOC) ta confirma cu e decision tocante deportenan nobo pa e programa pa e Weganan Olimpico di Tokyo 2020 lo no wordo tuma prome cu augustus 2016.

E anuncio aki a bin despues di dos dia di evaluacion di e preperacionnan di Tokyo 2020, dirigi pa e Presidente di e Comision di Coordinacion pa e Weganan, John Coates.
  Bao di e reformanan di e Agenda 2020 di IOC cu a wordo aproba na December ultimo, IOC a duna un empuhe na e programa deportivo, pa bai pa un programa basa riba evento, y trata di refresca e atracion di e Weganan Olimpico.  A pensa cu decisionnan lo por a wordo tuma na e sesion di IOC ya caba na Juli di e aña aki, pero John Coates a bisa cu esey lo no sosode.  E decision awor lo wordo tuma na e Session di IOC na augustus 2016, algun dia prome cu apertura di e Weganan di Rio.
  "Nos pensamento tabata originalmente pa completa e planificacion pa eventonan adicional na juli 2015, pero esey ta mucho ambisioso,” Coates a splica.
Organisadornan Olimpico por propone un of mas evento adicional, segun e reglanan nobo di e Agenda 2020.  Factornan manera costo, universalidad di e deporte, equidad di genero y un atraccion pa hobennan ta wordo tuma den consideracion.  Coates a indica cu diferente deporte ta interesa y cu e proceso lo ta “hopi transparente.”
  Baseball y softball ta favorito pa wordo inclui riba e programa di Tokyo pa motibo di nan popularidad na Hapon. Pero karate, roller sports, skateboarding, squash, surfing, wakeboarding y wushu tambe ta hasiendo esfuerso pa haya un lugar na e Weganan Olimpico.

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event