| 
Atletanan cu ta bay representa Aruba den “Weganan Interinsular” na Boneiro ta conoci PDF Print E-mail
Wednesday, 11 February 2015
3.jpg E competencia di Atletismo Escolar organisa pa IBiSA a conclui diabierna atardi den Compleho Deportivo Guillermo Prospero Trinidad. Tabata falta e final nacional di e muchanan “No Miembro di Club”, cu a clasifica for di e prome parti di competencia cu a tuma lugar den luna di december 2014.

  E final aki tabata importante, mirando cu e ganadornan di e prome, di dos y di tres lugar den e categorianan A, B y C ta bira e muchanan cu ta forma e seleccion di atletismo pa representa Aruba na e “Weganan Interinsular” cu ta tuma lugar na Boneiro e fin di siman di 27 pa 29 di maart 2015.

  E competencia a cuminsa pa 3”or di atardi y ya caba pa 5”or p.m. e resultado tabata conoci y a cuminsa anuncia e ganadornan pa ricibi nan medaya. Esnan cu ta bay representa Aruba den atletismo ta como lo siguiente den e respectivo categorianan:

 

Categoria A  Mucha Homber

1e lugar: Jayderick Geerman (Colegio Santa Famia)

2do lugar: David Yrausquin (Mon Plaisir Basis School)

3er lugar: Jurick Rasmijn (Pius X School)

 

Categoria A  Mucha Muher

1e lugar: Shanygua van Doorn (Pius X School)

2do lugar: Dixienne Saavedra (Mon Plaisir Basis School)

3er lugar: Sherdee Maduro (Pius X School)

 

Categoria B  Mucha Homber

1e lugar: Evander Nedd (Pius X School)

2do lugar: Mishawn Molina (Colegio Sagrado Curason)

3er lugar: Jahmani Eisden (St. Paulus School)

 

Categoria A  Mucha Muher

1e lugar: Stacey Sevinger (Prinses Amalia Basis School)

2do lugar: Dignairy de Vos (Colegio Sagrado Curason)

3er lugar: Nihayla Meyers (Colegio Sagrado Curason)

 

Categoria C  Mucha Homber

1e lugar: Intazar Bastien (Mon Plaisir Basis School)

2do lugar: Joshua Muñoz (Colegio Conrado Coronel)

3er lugar: Jasper Timmer (Colegio Sagrado Curason)

Categoria C  Mucha Muher

1e lugar: Anna Helder (St. Anna School)

2do lugar: Ailine Carrasquero (Cacique Macuarima School)

3er lugar: Prescilla Malmberg  (Mon Plaisir Basis School)

 

E competencia di atletismo tabata den e disciplina di bula leu (verspringen), tira bala (balwerpen), core/sprint y core/distancia largo.  For di cada disciplina e participantenan a acumula punto cu na final a wordo conta hunto pa yega na e total final cu a duna e ganadornan den cada categoria.

  Despues di e competencia a anuncia e ganadornan cu a ricibi nan medaya y tambe un envelop den cual tin tur informacion riba e biahe pa Boneiro na unda cu e “Weganan Interinsular” ta tuma lugar.  IBiSA ta felicita tur e muchanan cu a participa na e final nacional di atletismo escolar, specialmente esnan cu ta bay representa Aruba proximamente.

  Dialuna 9 di februari mes ta cuminsa cu e dianan di training na encargo di Wiwi Piña, cu ta bay prepara e muchanan pa e competencia di atletismo na Boneiro. Tur training ta tuma lugar den Compleho Deportivo Guillermo Prospero Trinidad mes, pa cual IBiSA ta recorda tur mayor pa laga nan yiunan cu ta den e seleccion di atletismo acudi na tur training pa nan ta mihor prepara pa e competencia na Boneiro.  Pa mas  informacion por tuma contacto cu Departamento di Deporte Escolar sra. Jacqueline Ponson van Putten na telefoon 582 4987.

  Pa un reportahe amplio di potret di e competencia di atletismo por subi Facebook page di IBiSA of tambe riba website: www.ibisaruba.org .

2.jpg1.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event