| 
Personahe Olimpico Mario Vazquez Raņa a fayece na edad di 82 aņa PDF Print E-mail
Wednesday, 11 February 2015
mario_vazquez_rana.jpg E ex miembro di Comite Olimpico Internacional Mario Vazquez Raña, un di e personanan di mayor influencia den e mundo internacional di deporte pa decadanan largo, a fayece na edad di 82 aña.

Un empresario Mexicano y doño di un gran cantidad di compañia den e mundo di medionan di comunicacion, e tabata miembro di e Comite Ejecutivo di Comite Olimpico Internacional y Presidente di e Organizacion Deportiva Panamericana (ODEPA) y di e Asociacion di Comitenan Olimpico Nacional (ACNO) entre 1979-2012.

  “Mario Vazquez Raña a dedica un gran parti di su bida na deporte Olimpico”, Presidente di IOC Thomas Bach a bisa den un declaracion. “Ela sirbi pa decadanan largo cu un compromiso enorme como Presidente di ODEPA, hasta te na ultimo momento.  E tabata tin un merito excepcional den e Movimento Olimpico y nos lo recorde como un gran lider Olimpico. E bandera Olimpico lo colga na halftsok na e sede principal di IOC na Lausanne na su honor.”

  Na Aruba e Miembro di Comite Olimpico Internacional y Secretaria General di Comite Olimpico Arubano, Nicole Hoevertsz ta recorda Mario Vazquez Raña cu admiracion: “Don Mario, manera nos tabata yame, a hasi e organizacionnan deportivo den nos continente fuerte y financieramente mas autonomo.  COA sigur a beneficia enormente di e cambio aki.  E vision y liderazgo di Mario Vazquez Raña a hasi di ODEPA un di e asociacionnan continental mas respeta den e mundo internacional di deporte.  Mi tabata tin e privilegio di a traha hopi di cerca cu Mario Vazquez Raña den ODEPA y a siña hopi for di su persona.  E tabata mi mentor y consehero.  E ta laga un legado grandi cu lo sirbi nos como ehempel pa futuro.” 
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event