| 
COA a haci entrega di un manual di educacion fisico di calidad PDF Print E-mail
Wednesday, 11 February 2015
quility_phys_educ1.jpg Recientemente directiva di Comite Olimpico Arubano tabata di bishita cerca Minister di Salubridad Publico, Cuido di Nos Grandinan y Deporte, dr. Alex Schwengle

 unda a haci entrega na su persona di un manual titula “Quality Physical Education” cu tabata un colaboracion entre Unesco y Comite Olimpico Internacional cu a produci e manual. Den un combersacion sosteni cu secretaria general di COA, sra. Nicole Hoevertsz su persona a elabora riba e manual di educacion fisico di calidad.

“ Tur organisacion cu ta activo riba tereno di deporte tin interes pa tin un programa di educacion fisico di calidad na tur scol den su pais. Esaki ta conta logicamente na Aruba tambe. E manual cu ta uno hopi practico lo wordo entrega na IBiSA, cu ta e instancia di Gobierno cu ta encarga cu educacion fisico na nos scolnan. E manual aki lo sirbi como guia con e programa di educacion fisico mester ta. E manual ta specialmente dirigi riba e instructornan, docentenan, pa percura pa e conceptonan nobo wordo introduci den e lesnan di educacion fisico na e scolnan na Aruba tambe”.

Den tur 205 comite olimpico nacional tin un interes pa e pais por conta cu programanan di educacion fisico di calidad, pa motibo cu bon programanan di educacion fisico awe ta produci miho atletanan di alto eendimento pa e mundo deportivo den futuro.

E manual “Quality Physical Education” lo ser entrega proximamente na tur instancia cu di un forma of otro ta activo riba tereno di educacion fisico den nos pais, manera IBiSA, Departamento di Enseñansa, Minister di Enseñansa, sra. Michelle Hooyboer-Winklaar, como tambe na Instituto Pedagogico Arubano, IPA y esnan encarga cu e estudio Movecion y Salud.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event