| 
Premio Excelencia den Deporte Un muestra di gratitud, reconocimento y estimulo cu un pais ta duna na PDF Print E-mail
Wednesday, 18 February 2015
ped_2013_125.jpg Pa 12 aña consecutivo un comision consistiendo di representantenan di e organonan deportivo manera Aruba Sport Unie, IBISA, Ministerio di Deporte hunto cu e reportero y/of redactornan deportivo di prensa, radio y television

den un forma organisa y imparcial ta studia y repasa e curiculo di tur e nominadonan, pa na final scoge e deportista di aña y reconoce e figura deportivo pa su prestacion.  Durante di un anochi di gala lo haci entrega di e maximo galardon na e atleta cu a destaca.  Mester corda cu Premio Excelencia den Deporte ta e unico evento deportivo unda nos miho deportista y dirigentenan den tur edad ta bini hunto pa asina wordo reconoci pa e bon trabou desplega pa e deporte Arubano.  For di inicio di e premiacion na aña 2003, atletanan den diferente ramo di deporte a gana e premio maximo y bira Aruba su deportista di aña.  Mas cu claro esaki no a bay sin su esfuerso y sacrificio di tanto e atleta y su federacion cu e ta representa.  Di e atletanan cu a yega di wordo premia den pasado algun di nan ainda ta activo na Aruba mes, mientras otronan a dicidi di bay biba den exterior y continua cu nan estudio y sigui practica nan deporte preferi.

Un bes mas, e aña aki lo premia e diferente categorianan, un total di 10 categoria. Banda di esaki Comision PED a opta pa duna reconocimento na e prospecto femenino y masculino 2014 como tambe e scol mas activo di aña escolar 2013-2014.

 

Siguientemente e lista di e categorianan cu lo wordo premia pa e Premio Excelencia den Deporte 2014:

Deportista infantil/hubenil femenino te cu 13 aña

Deportista infantil/hubenil masculino te cu 13 aña

Deportista hubenil femenino di 14 te cu 18 aña

Deportista hubenil masculino di 14 te cu 18 aña

Prospecto deportivo femenino di aña (premio di motivacion)

Prospecto deportivo masculino di aña (premio di motivacion)

Scolmas activo den deporte durante aña escolar 2013-2014 (nomina door di IBiSA)*

Ekipo di Aña (No seleccion/ Teamsport) **

Atleta di Aña (destaca local) (minimo 18 aña) ***

 Atleta di Aña (destaca internacional) (minimo 18 aña)

 

Splicacion di Categoria: Ekipo di Aña (No seleccion/ Teamsport)

E ekipo cu tin un logro den 2014 den un campeonato reconoci pa e federacion local of internacional. Esaki mester ta un ekipo cu como grupo ta den movecion pareu pa logra un resultado. ( Teamsport y no seleccion). E ekipo mester ta un ehempel no solamente den su logronan pero tambe den su comportacion y ta disiplina den su  entrenamento y participacion.

Cu e equipo di aña comisionta pone enfasis riba e deporte organisa den ekipo. 

ped_2013_40.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event