| 
AVB cu colaboracion di KNVB ta anuncia comienso di TC3 PDF Print E-mail
Friday, 20 February 2015
dsc_0227.jpg Arubaanse Voetbalbond ta orguyoso di por participa na comunidad di Aruba cu dialuna dia 23 di februari 2015, nos lo cuminsa cu un otro Trainers Cursus, tambe conoci como TC-3.

E instructor di KNVB pa cu e curso aki lo ta señor Piet de Jong , kende aña pasa tawata na Aruba caba na momento cu a duna algun cursista e curso di TC-4. E biaha aki pa cu e Trainers Cursus riba nivel 3, AVB ta contento cu tin 32 cursista cu lo sigui e curso aki. E motibo pa kico AVB ta invirtiendo asina hopi den cursonan pa su stakeholders, ta netamente pa mehoracion di e deporte aki. Bestuur di AVB ta convenci cu pa Aruba tin mihor atletanan futbolisticamente, cu mihor preparacion technico, tactico, mental, y physico, cu no ta exisiti niun otro alternativa cu no ta inverti den preparacion di entre otro trainers cu lo bay tin como tarea tambe pa prepara un plan technico pa nan club cu lo cuminsa desde nivel di LIFIDA te cu e division mas halto di nan respectivo club. Tur esaki ta wordo haci tambe, teniendo na cuenta cu e asina yama Club License cual ta requisitonan cu FIFA y CONCACAF ta desea pa tur nan miembronan cu nan ta sostene financieramente, bay aden pa di e forma aki nan por continua subsidia e federacion miembro. Teniendo na cuenta cu e grupo ta uno grandi, a parti e grupo den dos, esta grupo A y grupo B, como tambe e programa mes den su totalidad a wordo parti den 3 fase. E prome fase lo cuminsa dialuna 23 di februari y lo termina dia 7 di maart 2015. E orario den siman pa cu e curso menciona lo ta desde 6or di atardi pa 10or di anochi, mientras cu den fin di siman esaki lo start for di 9or di mainta y lo culmina pa 6or di atardi. For di awor caba AVB kier a desea tur cursista tur clase di exito y yama cada dunador di trabou di e cursistanan danki pa nan cooperacion brinda.

dsc_0220.jpgdsc_0221.jpgdsc_0224.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event