| 
Brazil Taekwondo Stichting a pasa ariba 25 punto di agenda den reunión general PDF Print E-mail
Wednesday, 25 February 2015
reunion_brazil_feb_19_201505.jpg Diaheubs anochi Brazil Taekwondo Stichting a reuni despues di basta tempo, esaki tabata dor cu e miembronan tabata trahando ariba e plan pa Maart y Clifford Rasmijn tabata preparando e team pa Surinam.

Brazil Taekwondo Stichting ta trahando ariba e proyectonan cu tin nos dilanti.   Diaheubs anochi tabata tin 25 punto di agenda cu mester a wordo trata pa asina por sigi cu e desaroyo di Taekwondo.  Awor cu Surinam ta dilanti porta, ta poniendo e atencion ariba esaki, esaki ta e promer biaha cu ta bayendo Surinam cu dos medio di prensa hunto cu e team.   Danica Delamore ta e team manager pa e biahe pa Surinam kende ta encarga cu e team na Surinam, mientras cu Antonio Geerman ta e IT.  Den total ta biahando un delagacion di 28 hende pa Surinam.

  Un di e puntonan di agenda tabata e idea cu Klabér a trece pa asina motiva e prensa un tiki mas.  Tur hende presente a bay di acuerdo cu e idea único aki.  E siman aki prensa lo bay haya un mail tocante esaki.  Awor lo sigi cu e benta di carchi di e promer car wash y BBQ pa 2015 cu ta dia 29 di Maart 2015, na Centro di Bario Brazil.  Carchinan ta obtenibel serca tur miembro di Brazil Taekwondo Stichting.  E atletanan ta bay ta ariba caja e siman aki pa dilanti cu e carchinan di BBQ y Car wash, pasobra esaki ta nan ticket pa e siguiente biahenan cu ta bay tin pa asina nan por represanta nan bandera.  Manera cu bin bek for di Surinam Clifford Rasmijn lo cuminsa busca atletanan pa e team di TK5 di 9-11 y 12-14 aña pa Corsow November 2015.  Brazil Taekwondo Stichting su promer campeonato ta bay ta dia 11 di April, unda cu Jervis Lowe a keda encarga cu e escohencia di e premionan. 

  Brazil Taekwondo Stichting su siguiente reunion ta dia 5 di Maart 2015, na Centro di Bario Brazil.  Nan ta spera di por conta ariba e invitadonan cu ta interesa den e TK5 di November na Corsow.

reunion_brazil_feb_19_201504.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event