| 
Comision di Coordinacion di IOC ta mira progreso solido PDF Print E-mail
Friday, 27 February 2015
com_coordinacion_1.jpg E Comision di Coordinacion di Comite Olimpico Internacional (International Olympic Committee - IOC) a mira progreso solido durante su di ocho bishita na e ciudad sede pa e Weganan Olimpico di 2016 Rio de Janeiro.

Instalacionnan deportivo ta tumando forma y un cantidad di aspecto manera benta di boleto, envolvimento di voluntarionan y e relevo di e antorcha Olimpico ta activo caba.  E desaroyonan positivo aki ta bin na un momento cu e organisadornan na Rio ta drentando e fase operacional di e proyecto.  E fase aki lo mira Rio 2016 aumenta nan actividadnan hopi, ora cu nan ta alcansa un nivel mas halto di detaye den nan planificacion, mientras cu nan ta prepara nan mes pa entrega 21 test event e aña aki.

   E Comision a wordo acompaña durante un parti di su bishita pa Presidente di IOC Thomas Bach, cu a dirigi un delegacion, incluyendo e Presidente di e Comision di Coordinacion Nawal El Moutawakel, pa reuni cu Presidente di Brasil Dilma Rousseff, cu un biaha mas a expresa apoyo total pa e Weganan "na tur nivel y ministerio di su Gobierno, como tambe di autoridadnan di Estado y di e ciudad.” Bach a participa tambe den un reunion cu Gobernador di e Estado di Rio Luiz Fernando Pezão, e Alcalde di e ciudad di Rio Eduardo Paes, y Ministro di Deporte George Hilton, y hunto cu e Comision a hasi un bishita di inspeccion na e Parke Olimpico.

  Papiando na final di e bishita Presidente di e Comision di Coordinacion El Moutawakel a bisa: "Nos ta contento di a mira e progreso solido cu ta wordo logra den preparacion pa e Weganan di Rio 2016. E avancenan den e Parkenan Olimpico na Barra da Tijuca y Deodoro ta sumamente alentador, cu ambos area riba e bon caminda pa laga un legado fantastico pa e pueblo di Rio y pa e atletanan di Brasil. Sinembargo, e equipo di Rio awor ta drentando e fase mas intenso den e preparacionnan pa e Weganan, cu ta nifica un nivel halto di detaye mientras cu nan ta prepara pa un cantidad di test event.”

  Ela continua bisando: "Cu 21 evento di prueba planea pa e aña aki y un cantidad importante di e mihor atletanan di mundo biniendo Rio pa test e instalacionnan, Rio 2016 tin hopi pa cumpli cu ne mientras cu nan ta preparando pa e Weganan. Nos ta contento pa mira cu Rio y su partnernan gubernamental a crea structuranan cu ta permiti nan pa atende cu loke lo bira un aña sumamente intenso, yena cu miles di detaye cu lo presenta prome cu e Weganan.

  Nan mester sigura tambe cu e instalacionnan deportivo keda cla na tempo pa e eventonan di prueba. E cancha di golf, e velodromo y e sitio di ecuestre cross-country tur tin planificacion di tempo hopi agresivo cu mester wordo cumpli durante e proximo lunanan.”

  Durante e reunionnan e Comision a enfatisa diferente area, incluyendo acomodacion y transporte, caminda falta trabou pa wordo ehecuta ainda e aña aki pa sigura cu e experiencia di e Weganan por wordo garantisa na e nivel di mas halto pa e atletanan, participantenan y e publico cu lo atende e eventonan.

  Durante su reunionnan, e Comision di Coordinacion tambe a ricibi actualisacion di e organisadorna den areanan manera servicionan na atleta e y Comitenan Olimpico Nacional,  na e Comitenan Paralimpico Nacional, deporte y Federacionnan Internacional, operacion na media, spectadornan, transporte, eventonan di prueba, marketing, tecnologia y e Weganan Paralimpico.

  E proximo bishita di e Comision di Coordinacion na Rio de Janeiro ta programa pa luna di Augustus.

com_coordinacion_2.jpgcom_coordinacion_3.jpgcom_coordinacion_4.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event