| 
Cabalgata di mas di 40 cabai a duna homenahe na Don Bello PDF Print E-mail
Thursday, 12 March 2015
10151752_10152743822713511_4142981144902437590_n.jpg Diasabra cu a pasa un cantidad grandi di caballista a bin hunto pa duna homenahe na e señor caballista Don Bello, kende a cumpli e dia ey 89 aña di edad.

Don Bello tin un trofeo desde 1952 cu el a gana e tempo ey den caredanan di cabai cu tabata tuma lugar den Wilhelmina Stadion y cu tabata hala hopi publico.  Den e añanan despues cu e entrada di cabainan di paso, Don tambe a bai den paso fino y e tabata tin diferente ehemplarnan di competencia y di cria.

  E cabalgata a cuminsa na Rancho Monte Azul na Paradera rumbo pa Santa Cruz. Mas di 40 cabai a participa na e parada aki, cu a bai acompaña pa musica di DJ.  E resto di e caballistanan a sigui e cabalgata den nan vehiculo.  Na 1 kilometer mas o menos di su cas na Angochi, e cabalgata a topa cu Don Bello, pero ainda e no tabata sa cu e cabalgata tabata na su honor y cu e lo termina na su cas, aki nan a prepara un banda di vallenato pa ora cu Don y e cabalgata yega e celebracion cu tur su yiunan a prepara di sorpresa, lo ta total.  Mas despues a sigui un serenata di Mariachi, caminda e coro di e caballistanan a domina den voz halto e canto di e rancheranan.

  Hopi di e caballistana a probecha pa saca foto hunto cu Don Bello, mientras cu e yiunan y nietonan tabata percura pa e bishitantenan tabata tin boca yen pa come y bebe.  E fecha aki sin duda tabata un gran recuerdo pa un gran caballista.

10428130_10152742231153511_945451299281416873_n.jpg11034289_10152742230793511_9204591257951937260_n.jpg11049485_10152742231578511_8086673803899938666_n.jpg11054464_10152742231248511_349310286068430721_n.jpg11064638_10152743822563511_3999621470489544041_n.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event