Tremendo tabata e competencia di Feria Nacional 2015 na Rancho La Ponderosa
Wednesday, 17 June 2015
jinete_willem_y_dwayne_feria_nacional.jpg Den e fin di siman tras di lomba a tuma lugar e Feria Nacional den Paso Fino na Rancho La Ponderosa.

Un cantidad grandi di Amazona y Jinete a bini e dos dianan di competencia pa asina duna un espectaculo riba nan cabay.  Special pa e competencia aki a busca un hues di exterior den persona di Dr. Carlos Alberto Londono di Ibague, Colombia.  E Diasabra 6 di Juni a cuminsa cu e competencia den e Principiantenan y e resultado tabata como lo siguiente:

Den e categoria amazona principiante 6-8 aña e mihor a bira Elaisha Vazquez,

Den e catgeoria 9-11 aña e mihor a bira Gabriella Piazzi mientras puesto 1 a bay pa Alina Kock.

Den e categoria 15-17 aña e mihor a bay pa Hanneke Prinsen.

Den e categoria di Duenos Hubenil den cual a competi 7 amazona/jinete y aki e prome lugar a bay pa Melanie Wever cu La Polvora sigui pa Nina v. Romondt cu Harmonia y na di tres lugar a keda Zoey Arends cu Caramelo

  Pa su mañan Diadomingo nos ta haya Mini Amazona 4-5 aña e mihor a resulta Iyona Kock.

Den Amazona Pre Infantil 6-8 aña e mihor a resulta Maria Jose Salazar, Amazonas Infantil 9-11 aña e mihor a bay pa Sophia Schwarz y e prome puesto a bay pa Genesis Pietersz.

Den e Amazonas Junior 12-14 aña e mihor a bay pa Elizabeth Johnson sigui pa 1. Melanie Wever, 2. Zoey Arends, 3. Aaliyah Acosta, 4. Nina van Romondt, 5. Alexia Chin.

  Pa loke ta e Jinetes Junior 12-14 aña e mihor a bay pa Rodgerson Ras, den e Amazonas Juvenil 15-17 aña e miho a bay pa Natalia Mouawad sigui pa 1. Eva Pols, 2. Diantha Oduber, 3. Selene Sanjli, 4. Nicholson Boekhoudt, 5. Noelani Figaroa.

  Den e categoria Jinetes Juvenil 15-17 aña e mihor a bay pa Willem Werleman sigui pa 1. Dwayne Chirino, 2. Dillon Fingal, 3. Caleb Melendez, 4. GianLuca Curiel.

  Den e Amazonas Aficionadas 18-20 aña e mihor a bay pa Caitlin Ras mientras e puesto 1 a bay pa Laura Kock.

  Por ultimo den e Amazonas Aficionadas 21-24 aña e mihor a bay pa Alina Mansur.

  Despues di e categoria aki a bin un Categoria nobo di "Sin Silla".  Den e categoria aki a participa 12 amazona y 2 jinete y tur mester a monta nan ehemplar sin silla y demostra asina nan balans cu nan tin pa maneha nan ehemplar.  Aki e hues tabata tin basta kibramento di cabes a dicidi di duna 4 reconocimento cual ta manera lo siguiente: Responsabilidad: Rodgerson Ras, Determinacion: Aaliyah Acosta, Binomio: Melanie Wever cu La Ley de 4G y Balance: Giandra Wever cu Madame Tacher.

  Un danki sigur na Lotto, e Loteria di Aruba pa medio di Comision di Subsidio cu a yuda subsidia e Feria Nacional 2015 teni na Rancho La Ponderosa.

  Cumprando weganan di Lotto, e Loteria di Aruba bo ta contribui na deporte riba nos isla.  Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio

amazona_elizabeth_feria_nacional.jpgamazona_iyona_kock.jpgamazona_maria_jose_feria_nacional.jpgjinete_rodgerson_feria_nacional.jpg