STA. CRUZ – Diasabra anochi den Centro Deportivo Betico Croes a tuma luga e Apertura di Campeonato di Basketball A-Klass 2009.

Na e inicio di Apertura e Maestra di Ceremonia Sra. Sandra Suarez –Croes a jama e invitado y publico presente un caluroso Bon Bini. E parti Official a cuminsa unda MC Sandra ta jama dilanti Sra. Carmen Loefstok cu ta Presidente di Aruba Basketball Bond pa dirigi palabra na e publico presente.  Sra. Carmen ta informa cu Ministro di Deporte Sr. Ramon Lee no por tabata presenta door cu e ta den exterior y Sr. Dochi Lee tampoco por ta presente pa motibo di quebrante di salud. Nos ta cuminsa awenochi cu e campeonato di A Klas despues di hopi turdansa pero laga nos bisa cu ta pa nos motibo cu nos a cuminsa asina laat, manera nan ta bisa “Mas tarde que Nunca”. Nos ta bai cuminsa di Campeonato di 9 ekipo den A klass despues cu nos a pensa di hanja 10 ekipo nos por a conference y door cu nos a hanja 9 ekipo nos tinm cu laga esaki pa otro campeonato. Carmen ta gradici tur medio di presna y refree cu a duna aporte de campeonato. A pidi hopi disiplina na e Coachnan y hungador pa cu e Refree nan y cu Aruba Basketball Bond no por sigi perde Refree nan. Si e Caoch nan no tin disiplina no por spera cu e hungadornan lo tin disiplina. E Campeonato akinan lo termina hopi laat y nos lo pare pasobra pa cumpli cu e campeonato di Cadett, Junior y final Carmen a gradici nan sponsornan cu ta contribui.

Presidente di ASU Jerry Franca a hiba palabra gradici Aruba basketball Bond y muy especial Sra. Carmen cu ta lucha duro pa e deporte di Basketball. Atletanan , miembronan di prensa , definitivamente mi ta mira cu nos tin un  problema di comunicacion , mi ta mira cu  constantemente menos y menos hende ta atendiendo na e actividadnan aki , esaki definitivamente ta un deterioro no solamente den e deporte sino tambe e ta un reflejo di un problema di un comunidad, esakinan ta problemanan di un otro indole cu mester wordo analiza pa nos wak definitivamente ta kiko ta pasando. En todo caso mi ta contento cu tur atltetanan ta aki , miembronan di prensa , coachnan y mi ta espera cu no solamente nan ta presente pa e anochi aki sino pa henter e campeonato. Danki.

Ariba un fuerte aplauso e dos ekiiponan a subi ariba cancha cual ta RCA  ROMAR TRADING y Y MCA  LING AND SONS. Despues a bai over pa nos Himno y Bandera cu a wordo interpreta pa Michel Tromp y a finalisa e anochi e grupo Lolipop dancer a duna un bunita show di baile unda e tur presenta a disfruta un mundo.

Pa e sacamento di e prome bala a jama Nicole Hoevertsz di Comite Olimpico Arubano conhuntamente cu Presidente di ABB cu a saca e prome bala asina duna inicio official na e Campeonato A-Klass. Na final nos ta hanja confirmacion cu e Campeonato e anja aki a wordo dedica na Sra. Carmen Loefstok cu tabata teni esaki bon scondi.

E prome wega di kampeonato ta entre e dos teamnan kampeon y sub-kampeon 2007/2008.
 
YMCA Ling & Sons              v/s        RCA Kliphunters
Half:   37                                      Half:   33
Final:  87                                      Final:  54
 
Topscorer pa YMCA Ling & Sons: Hubert Heemstadt cu 24 puntos y George Gumbs cu 10 puntos.
Topscorer pa RCA Kliphunters: Kieran Celaire cu 20 puntos, Raidan Boekhouder cu 19 puntos y Mario Perez cu 18 puntos.
 
"Hungador mas valioso di Sprite ta Raidan Boekhouder di RCA Kliphunters.

Proximo weganan lo ta Diabierna: dia 8 mei 2009, ariba cancha di Estrella, Sta. Cruz. 7:30 p.m.
Estrella Club, Estrella    v/s     YMCA Youth Ling & Sons

Diasabra, 9 di mei 2009, ariba cancha di Estrella, Sta. Cruz 7:30 p.m.
YMCA Ling & Sons   v/s    YMCA Dakota Royals
Aruba Basketball Bond ta haci un invitacion na tur fanaticadanan di e deporte di Basketball pa bin presencia e weganan.
Entrada ta fls. 3,-- pa adulto y pa mucha bow di 12 anja Fls. 1,--

Average user rating

   (0 vote)