YMCA Ling & Sons ta gana 3 wega sigi for di RCA Romar Trading Kliphunters!!!
Tuesday, 21 July 2009
finalbasket3game (2) (Custom).jpg
STA CRUZ -- Dialuna e di tercer wega final cu ta bai den Serie di best of Seven y ekipo YMCA Ling & Sons tin e ventaha di 2-0 ariba RCA Romar Trading Kliphunters. Den e wega di Diadomingo e hungador Estelar di RCA a lesiona su man y mester a bai wordo atende na Hospital cu a pone e man den gips. YMCA Ling & Sons cu ta e Campeon di anja pasa ta domina completo cu tempo bastante halto y cu bon combinacion.
RCA cu no tabata e comunicacion cu otro y cu varios mal pase y zundramento ariba cancha ta wak con e muchanan di San nicolas ta bai cu e tercer victoria straight.
Den Halftime RCA ta cay atras cu score di 37-32 cu ta mustra un score preta, pero despues e muchanan di YMCA di ta basta y a cuminsa hunga mas serio pa logra e victoria cu score final di 68-54.
Topscorer pa RCA Romar Trading Kliphunters: Raidan Boekhouder cu 22 puntos y Shaka Mc Gray cu 16 puntos.
Topscorer pa YMCA Ling & Sons: Hubert heemstad cu 17 puntos y Lenford Thomasia cu 16 puntos.
Hungador mas valioso di "Sprite" Lenford Thomasia di YMCA Ling & Sons.
YMCA Ling & Sons cu e victoria ta haci e Serie 30 na nan fabor cu bon wega di basketball y Diarazon awor e di cuater wega lo continua den Compleho Deportivo Betico Croes. Si e muchanan di San Nicolas gana diarazon awor nan lo prolonga nan titulo di Campeon di Aruba, dus e muchanan di Solito ta lomba contra mauraya.
Nos tur por corda ainda cu anja pasa e muchanan di RCA tabata tin e Serie 3-0 ariba e YMCA Ling & Sons  y cu e muchanan a lucha te final pa titula campeon  unda a hunga e serie completo. RCA lo por haci esaki ??? Pesei bin diarazon anochi pa 8:15pm den Centro Deportivo Betico Croes pa wak si RCA ta forsa un wega of YMCA Ling & Sons ta prolonga nan titulo di Campeon ???



gallery1gallery1gallery1
gallery1gallery1gallery1
gallery1gallery1gallery1
gallery1gallery1gallery1
gallery1gallery1