ULTIMO DOS WEGA DI COORSLIGHT BLACKBALL!!
Saturday, 19 September 2009
Billiard100709 (1) (Custom).JPG
TANKI LEENDERT --- E weekend aki di September 18 & 19 lo ta bay tin e ultimo dos weganan di temporada regular di e famoso COORSLIGHT BLACKBALL TOUR na CENTRO HUBENIL TANKI LEENDERT, den e unico VIP POOL ROOM na Aruba. E dos wega nan aki mas bien ta un formalidad ya cu nan lo no cambia e prome 6 team nan mas den standing oficial, solamente e posicion di nan por cambia den prome dos lugar.
Diabierna anochi pa 8’or lo tin e wega entre HUT PREDATORS vs TEAM TUMAZU. Aki e speranza ta cu Hut Predators lo gana fasilmente. Si en caso Predators perde e lo por tin consequensia cu nan lo por bay di dos lugar.
Esaki lo depende di wega di diasabra 8’or e ora entre MAD DOGS vs CLASSIC-JOHNSON. Si Classic gana diasabra y Predators perde diabierna, anto e ora Classic lo caba na prome lugar y Predators na di dos, locual kiun conosido di Biljart lo kere cu ta pasa. Si Mad Dogs, e expertonan e anja aki den “bierjart”, gana Classic, nan tambe lo tin 4 punto mescos cu J&J Jaws, pero toch lo keda afo pa via cu J&J Jaws a gana nan.
E standing por lo pronto, y manera ta premira cu lo keda asina, ta como lo siguiente : 1) Hut Predators; 2) Classic-Johnson. Ambos team lo bay directamente semi-final y lo enfrenta e dos team nan cu lo Sali victorioso for di den playoff. Number 3) Bad Dogs; 4) Barracuda; 5) Cuervo; 6) J&J Jaws. Den playoff Bad Dogs lo enfrenta J&J Jaws y Barracuda lo bataya contra Cuervo (#3 vs #6; #4 vs #5).
Playoff lo ta consisti di un serie di best out of 3, y lo wordo hunga den weekend di 2 pa 4 di Oktober. E lugar caminda lo wordo hunga lo wordo anunsia despues. FEBIAR kier a extende un maximo palabra di pabien na e team nan cu a sa di clasifica e anja aki.