Oranjestad mester a topa otro den e gran wega final di Handball Escolar 2010 cu a tuma lugar diaranson atardi den Centro Deportivo Betico Croes na Sta. Cruz.

Tremendo bataya pa Campeon:
Tabata 3:00 p.m., ora cu referee Igmar Eugenia a fluit pa comienso di e gran encuentro final entre dos school cu a clasifica despues cu ambos a hunga weganan ehemplar pa yega asina leu. Bou di guia di juffrouw Jolanda y su asistente, e hobennan di Pius X School a subi cancha cu firme proposito y deseo pa hunga y bira campeon. Naturalmente e hobennan di Maria School no a keda’tras y acompaña pa meneer Peer y su asistente, tur a subi cancha pa tambe duna tur loke nan tabata por.

E wega a resulta den un tremendo bataya pa campeon for di comienso te na final. Cu hugadanan yen di emocion, cu a crea gran tension pa e alumnonan mes, esnan riba banki, y tambe pa fanaticonan cu a acudi na Centro Deportivo Betico Croes pa presencia e wega final di handball escolar.

Den e prome tempo e wega a mustra bastante domina pa e hobennan di Pius X School, cu a logra anota un total di 5 gol pa half-time bay aden cu e score di 5 pa 2 na nan fabor. E hobennan di Maria School tabata busca nan hugadanan, pero no por a haya otro riba cancha. Esaki a trece poco nerviosismo pa nan mes. Pero den e di dos mita, e wega ta bolter formalmente. Maria School ta sali brabo y decidido y ta cuminsa anota gol tras di gol pa empata e wega prome na 5 gol. Tension y emocion ta crece. Gol ta cuminsa cay un pa cada banda. Minuutnan tabata core y e hobennan tambe riba cancha. Faltando apenas un minuut pa wega termina, ainda e score tabata empata na 10 gol. Den un ekibocacion di pase di bala, Pius X School ta manda e bala pafo. Aki ta unda Maria School ta probecha, haci su sake di bala, penetra te dilanti di gol y ta logra anota e gol di bay ariba. Seconde despues, referee ta fluit y e wega ta termina cu e score di 11 pa 10 na fabor di Maria School cu asina ta titula campeon di handball escolar 2010 organisa pa IDEFRE.

IDEFRE ta felicita Pius X School, cu a duna un tremendo bataya te na final y ta logra keda como sub-campeon. Na Maria School ta bay palabranan di pabien pa e titulo di campeon y ta gradici tambe tur school basico cu a participa na e competencia di handball escolar 2010 pa haci esaki un competencia grandi.

E invitacion ta keda na tur school cu a participa, como tambe esnan cu no a alcansa pa participa e aña aki, pa sigui train y mehora e tecnica y tacticanan di handball. Asina e competencia di proximo aña lo ta grandi y exitoso un biaha ma

Average user rating

   (0 vote)

Display 1 of 1 comments