“Nos ta encarga cu cada detaye,” Gobernador di e estado di Jalisco y Presidente di e Comité Organizador, Emilio González Márquez a informa delegadonan durante e reunión.  Gonzalez a priminti cu e Villa Panamericano, cu a sufri tardanza importante, lo ta cla na tempo, bisando cu na e momento aki e proyecto ta un 20% cla caba.

Asina mes, Michael Fennell di Jamaica, Presidente di e comisión técnico di ODEPA a bisa cu e Comité Organizador lo ta bou di hopi presión pa termina e Villa pa mei 2011 manera cu ta planea awor aki. Fennell, den su relato na ODEPA, a nota si cu e construcción di e Villa ta den mannan profesional, loke ta un punto positivo pa e proyecto.

Gobernador Gonzalez a compromete su mes tambe pa e stadion di atletismo, pa cua e construcción a caba di cuminsa, lo wordo termina pa april próximo. Fennell a recomenda toch pa considera busca un alternativa, usando e stadion nobo di e equipo di futbol “Chivas”, cu ta situa net banda di e Villa Panamericano.
Otro punto di preocupación ta e estado insigur di e laboratorio di dopahe na Guadalajara.

A pesar di e preguntan cu ainda ta existi, mayoría di e otro instalacionnan deportivo ta cla caba of den e fase final di nan construcción na Guadalajara.

“Cosnan a mehora hopi” Presidente di ODEPA Mario Vazquez Raña a bisa tocante e situación na Guadalajara – pero vigilancia estricto ta necesario. “Mi ta riba nan tur dia,” ela expresa durante un conferencia di prensa na final di e asamblea di ODEPA.

E ta agrega cu e ta anticipa cu Guadalajara lo ricibi hopi pregunta critico na oktober próximo, ora cu falta net un aña pa inicio di e weganan, na momento cu delegadonan di ODEPA lo bini hunto den un Asambea General extraordinario den marco di e asamblea di e Organización di Comitenan Olimpico Nacional (ACNO) na Acapulco. Vazquez Raña a bisa cu e ta desea pa lidernan di e 42 Comitenan Olimpico Nacional di ODEPA ta prepara pa presenta nan preguntanan na Guadalajara pa e momento ey.

E Weganan Panamericano di 2011 lo tuma lugar di 14-30 di oktober 2011, cu mas di 5.000 atleta participando den loke lo bira e evento multi-deportivo mas grandi di e aña cu 36 deporte riba programa. Di e deportenan aki, 26 ta aparece riba e programa pa e Weganan Olimpico di London 2012. 

Average user rating

   (0 vote)