E campeonato lo inicia diadomingo 23 di mei 2010 cu un duracion di 9 diadomingo y lo finalisa segun programmacion diadomingo 25 di juli 2010 cu participacion di 12 clubmiembro bow auspicio di “Federacion Liga Mayor di Softbal Arubano”. Pa cu e campeonato aki lo hasi uso di tereno di bala di Aruba Juniors na Socotoro Oranjestad.

E campeonato ta wordu dedica na Sr. Sylvester M. “Silo” Tromp y Sr. Victoriano “Buchin” Willems, kendenan tin trayectoria bastante largo den e ramo di softball den e parti di Liga Mayor aki na Aruba. Pa 12’or y 45 di atardi lo duna inicio na e parti oficial di e campeonato.

E campeonato aki ta wordu gesponsor door di Playa Liquor N.V. cu su famoso serbez “Budweiser”  y e programma pa cu e promer diadomingo di campeonato ta lo siguiente:
23 di mei 2010: 09:30 – 11:00:  Racketeers MNO     v/s  Infinity Classic
    11:15 – 12:45:  Astros Budweiser     v/s  Budlight Braves
    13:00 – 14:30:  Kibaima A.I.S.     v/s Valero Boomerang  
14:45 – 16:15:  La Moderna Sluggers  v/s  Kenro Jewelers 
16:30 – 18:00:  San Nicolas Movers     v/s  Surprise Balashi
    (Aruba Juniors LG y Marine Dolphins tin liber)
    Racketeers MNO* 

Ricibi alavez adjunto e schedule completo pa locual ta trata Campeonato 2010 bow di auspicio di Federacion Liga Mayor di Softball Arubano.
Pa medio di esaki henter pueblo di Aruba, principalmente amantenan di softball ta wordo invita pa atende y presencia bunita partidonan cu lo ser brinda door di nos baluartenan di antes.
Cu saludos deportivo den nomber di directiva di Federacion Liga Mayor di Softball Arubano gradiciendo prensa en general sperando riba un cobertura total durante full e campeonato

Average user rating

   (0 vote)