SportsAruba.com - Aruba Sports News Provider - Brazil Taekwondo Stichting a tene her-examen.

on Tuesday, 13 July 2010

Published in : , Taekwondo

STA CRUZ--Dialuna 12 di Juli Brazil Taekwondo Stichting a tene her-examen pa su miembronan. Awor cu scolnan secundario a duna e muchanan vakantie na Brazil les di Taekwondo a sigui, pero e atletanan ta kere cu nan si ta na vakantie esaki tawata bon notabel na e atletanan Dialuna atardi durante nan her-examen. Di e 11 atletanan cu a bin pa her-examen ta solamente 1 a pasa e examen cu ta Sara Croes cu un total di 23 punto.
Tambe a entrega diploma na tur esnan cu a pasa nan examen di dia 11 di juni pasa y na Sara Croes di Dialuna 12 di Juli, esaki a wordo haci do'r di e directiva di Brazil Taekwondo Stichting cu semper ta presente den e actividadnan di e Stichting. Feli Lacle tawata e examinator hunto cu Alberto Klaber. Mester bisa cu e atletanan tawata mas na vakantie y no na Taekwondo, pero Brazil Taekwondo Stichting tin regla na unda cu semper ta wordo aplica.
Marwin Lont tawata falta solamente 1 punto y mester a keda satisfecho cu e no a slaag.Jerrick Vluan ta e unico atleta cu a bula faha, for di faha berde te cu faha cora. E proximo Examen ta dia 4 di Oktober, esaki lo wordo duna pa Henk Meijer kende ta bay ta na Aruba pa un siman pa e Best of the Best.... campeonato, training stage y examen. Brazil Taekwondo Stichting ta bay cu vakantie di dia 23 di Juli te cu dia 6 di Augustus. Brazil Taekwondo Stichting ta bayendo Miami dia 26 di Juli te cu dia 2 di Augustus pa un camp training cerca Juan Moreno.Training ta cuminsa bek dia 7 di Augustus, pasobra nos mester cuminsa prepara pa e campeonato di Aruba Caribbean Cargo cu ta dia 21 di Augustus, na unda cu esaki ta e ultimo cualification pa e Best of the Best cu ta dia 2 di Oktober 2010. Nos kier a felicita tur esnan cu a pasa pa nan faha di Taekwondo. Tambe nos kier a recorda tur e scolnan di Taekwondo cu diabierna awor tin un reunion na Centro di Bario Brazil pa 7'or y mey di anochi tocante e Best of the Best.

Users' Comments

Average user rating

(0 vote)

Add your comment